१५५ परमेश्वरलाई प्रेम गर्ने गीत
१
परमेश्वर मेरो प्रेम हुनुहुन्छ, मेरो मनभित्रको गीत हुनुहुन्छ।
परमेश्वरविना म अन्धकारमा खस्छु, र ज्योति गुमाउँछु।
हृदयमा उहाँको तृष्णा गर्छु; उहाँ सामु जिउन चाहन्छु।
तपाईँ चाँडै फर्कनुहुनेछ भन्ने आशा गर्छु, हे मेरा परमेश्वर!
यो अन्धकारमय र दुष्ट संसारमा,
परमेश्वरविना मेरो हृदयमा कुनै भरोसा छैन।
उहाँ मात्र मलाई पापबाट मुक्ति दिन सक्नुहुन्छ।
उहाँको प्रेममाझ जिउँदा मात्र मेरो हृदय सन्तुष्ट हुन्छ।
प्रिय सर्वशक्तिमान् परमेश्वर, तपाईँविना रहन सक्दिनँ।
तपाईँको प्रेम सम्झँदा, मिठास महसुस हुन्छ।
परीक्षामा कष्ट भोग्दा, तपाईँका वचन मसँगै हुन्छन्;
मेरो प्रेम झन् शुद्ध हुन्छ, मृत्युसम्म तपाईँलाई पछ्याउने शपथ खान्छु।
२
जीवनसम्बन्धी परमेश्वरका वचनले मेरो हृदय विजय गरेका छन्।
परमेश्वरको प्रेम चाखेपछि, म उहाँलाई कहिल्यै छोड्न सक्दिनँ।
मलाई थाहा छ उहाँलाई प्रेम गर्ने मेरो हृदय अझै अशुद्ध छ;
परमेश्वर मसँग प्रसन्न हुनुहुन्न भने पनि, म उहाँलाई प्रेम गरिरहनेछु।
उहाँविरुद्ध धेरै विद्रोह गरेको, उहाँको हृदयलाई चोट पुऱ्याएको छु।
परीक्षाहरू र शोधनद्वारा, मेरो भ्रष्टता पखालिन्छ।
परमेश्वरको प्रेममाझ जिउँदा, अपार आनन्द पाउँछु;
अब दुःख र पीडाका यादहरू छैनन्।
प्रिय सर्वशक्तिमान् परमेश्वर, तपाईँविना रहन सक्दिनँ।
तपाईँको प्रेम सम्झँदा, मिठास महसुस हुन्छ।
परीक्षामा कष्ट भोग्दा, तपाईँका वचन मसँगै हुन्छन्;
मेरो प्रेम झन् शुद्ध हुन्छ, मृत्युसम्म तपाईँलाई पछ्याउने शपथ खान्छु।
