अध्याय ८

जब मेरा प्रकाशहरू तिनका उत्कर्षमा पुग्छन्‌, र जब मेरो न्याय अन्त्यतिर आइपुग्छ, तब मेरा सबै मानिसहरू प्रकट हुने र पूर्ण बनाइने समय यो हुनेछ। म मेरो आशयसँग मेल खाने र मेरो प्रयोगको लागि योग्य मानिसहरूको निरन्तर खोजीमा ब्रह्माण्डको सबै कुनाहरूमा यात्रा गर्छु। को माथि उठ्न र मसँग सहकार्य गर्न सक्छ? मानिसहरूले मलाई गर्ने प्रेम सूक्ष्म छ, र ममाथिको तिनीहरूको विश्‍वास पनि दया लाग्दो रूपमा सानो छ। यदि मैले मानिसहरूका कमजोरीहरूमा मेरा वचनहरूको प्रहार निर्देशित गरिनँ भने, तिनीहरूले धाक लगाउँदै र आडम्बरी सिद्धान्तहरूसँगै उठ्दै, घमन्ड र अतिरञ्जन गर्लान्‌, मानौं तिनीहरू नै सांसारिक मामिलाहरूको सवालमा सर्वज्ञानी र सर्वज्ञाता हुन्‌। विगतमा मप्रति “निष्ठावान्‌” हुनेहरूमध्येमा, र आज मेरो सामुन्ने “स्थिर खडा” हुनेहरूमध्येमा, कसले अझै फूर्ति लगाएर बोल्ने आँट गर्छ? को आफ्ना भावी सफलताहरूमा गोप्य रूपमा खुसी हुँदैन र? जब मैले मानिसहरूलाई सीधै पर्दाफास गरिँन, तब तिनीहरू लुक्ने कुनै ठाउँ भएन र सर्मद्वारा उत्पीडित भए। यदि मैले फरक तरिकामा बोलेँ भने, यो अझ कति धेरै भयङ्कर होला? मानिसहरूसँग अझ अधिक कृतज्ञताको भाव होला, कुनै पनि कुराले तिनीहरूलाई निको पार्न सक्दैन भन्ने कुरामा तिनीहरूले विश्‍वास गर्लान्‌, र सबै जना तिनीहरूको निष्क्रियताद्वारा कसिएर बाँधिएका होलान्‌। जब मानिसहरूले आशा गुमाउँछन्‌, तब राज्यको सलामी औपचारिक रूपमा चर्को हुन्छ, जस्तो कि, मानिसहरूले भनेका छन्‌, “त्यस्तो समय जब सात गुणा चर्को आत्माले काम गर्न थाल्छ।” अर्को शब्दमा, यो तब हुन्छ जब राज्यको यो जीवन आधिकारिक रूपमा यस पृथ्वीमा सुरु हुन्छ; यो तब हुन्छ जब मेरो ईश्‍वरत्व सीधै (कुनै मानसिक “प्रक्रिया” बिना) काम गर्न निस्कन्छ। सबै मानिसहरू व्यस्त रूपमा हतारो गर्छन्‌, मानौं तिनीहरू कुनै एउटा सपनाबाट बिउँताइका वा उठाइएका छन्‌, र उठ्दै गर्दा, यस्ता परिस्थितिहरूमा आफैलाई पाएकोमा चकित पर्छन्‌। विगतमा, मैले मण्डली निर्माणको बारेमा धेरै भनेँ; मैले धेरै रहस्यहरू प्रकट गरेँ, तर जब त्यो काम यसको शिखरमा पुग्यो, तब यो एक आकस्मिक अन्त्यमा आइपुग्यो। तथापि, राज्यको निर्माण फरक कुरा हो। जब आत्मिक क्षेत्रको युद्ध यसको अन्तिम चरणमा पुग्छ, तब मात्र म मेरो काम यस पृथ्वीमा नवीन प्रकारले गर्न सुरु गर्छु। भन्नुको मतलब, सबै मानिसहरू पछि हट्ने अवस्थाको सङ्घारमा आइपुग्दा मात्र म औपचारिक रूपमा मेरो नयाँ कार्य थाल्छु र खडा गर्छु। राज्य निर्माण र मण्डली निर्माणबीचको भिन्नता यो हो कि मण्डली निर्माणमा, मैले मानवतामार्फत‌ काम गरेँ जुन ईश्‍वरत्वद्वारा शासित थियो; मैले तिनीहरूको विकृत‌ अवस्थाहरू सीधै प्रकट गर्दै र तिनीहरूको सारको पर्दाफास गर्दै मानिसको पुरानो प्रकृतिमा प्रत्यक्ष काम गरेँ। परिणाम स्वरूप, यही आधारमा तिनीहरूले आफैलाई चिन्न पाए, र त्यसैले आफ्ना हृदयहरूमा र आफ्ना वचनहरूमा सुनिश्चित भए। राज्य निर्माणमा, म सीधै मेरो ईश्‍वरत्वमार्फत काम गर्छु, र अन्ततः वचन देहधारी हुन आएको सन्दर्भमा मेरो बारेमा ज्ञान प्राप्त गर्ने मौका दिँदै मसँग के छ र मेरा वचनहरूको ज्ञानको जगमा म को हुँ भन्ने कुरा सबै मानिसहरूलाई बुझ्ने मौका प्रदान गर्छु। यसरी सबै मानव जातिले गरेको अस्पष्ट परमेश्‍वरको खोजी समाप्त हुन्छ, र यसरी तिनीहरूले स्वर्गमा हुनुहुने परमेश्‍वरको लागि आफ्ना हृदयहरूमा ठाउँ राख्न छोड्छन्‌; भन्नुको मतलब, म देहधारी हुँदाखेरि मैले गर्ने कार्य मानव जातिलाई बुझ्न दिन्छु, र यसरी पृथ्वीमा मेरो समयलाई टुङ्ग्याउँछु।

राज्यको निर्माण सीधै आत्मिक क्षेत्रमा लक्षित छ। भन्नुको मतलब‌, आत्मिक क्षेत्रको युद्धको अवस्थालाई सबै मेरा मानिसहरूको माझमा प्रस्ट गरिएको छ, र मण्डलीभित्र मात्र होइन, तर राज्यको युगमा अझ धेरै, हरेक व्यक्ति नै नित्य युद्धमा छ भन्ने कुरा देखाउन यो पर्याप्त छ। तिनीहरूका पार्थिव शरीरहरूको बाबजुत पनि, यो आत्मिक क्षेत्र सीधै प्रकट गरिन्छ, र तिनीहरू यस आत्मिक क्षेत्रको जीवनसँगको संसर्गमा आउँछन्‌। यसरी, जब तिमीहरू विश्‍वासयोग्य हुन सुरु गर्छौं, तब तिमीहरूले मेरो कामको अर्को भागको निम्ति ठीक प्रकारले तयारी गर्नुपर्छ। तिमीहरूले आफ्नो हृदयको सम्पूर्णता नै त्याग्नुपर्छ; अनि मात्र तिमीहरूले मेरो हृदयलाई सन्तुष्ट पार्न सक्छौ। मण्डलीमा अगाडि के भयो सोबारे म केही मतलब राख्दिनँ; आज, यो यही राज्यमा छ। मेरो योजनामा, शैतानले, अहिलेसम्म नै, पाइलैपिच्छे पछ्याउँदै आएको छ र, मेरो बुद्धिको प्रतिभारको रूपमा, मेरो मौलिक योजनालाई अवरोध शैलीहरू र माध्यमहरू पत्ता लगाउने कोसिस गर्दै आएको छ। तापनि के म त्यसका छली युक्तिहरूमा फस्न सकुँला र? स्वर्गमा र पृथ्वीमाथि हरेक थोकले मेरो सेवा गर्छ; के शैतानका छली युक्तिहरू केही फरक हुन सक्लान्‌ र? ठीक यहाँनेर नै मेरो बुद्धिले प्रतिछेदन गर्छ; मेरा कार्यहरूको बारेमा भएको आश्चर्य ठीक यही नै हो, र मेरो सारा व्यवस्थापन योजनाको सञ्चालनको सिद्धान्त नै यही हो। राज्य निर्माणको युगको समयमा, अझै पनि म शैतानको छली युक्तिहरूलाई पन्छ्याउँदिन, तर मैले गर्नैपर्ने कार्यलाई जारी राख्छु। ब्रह्माण्ड र सारा थोकहरूको माझमा, मैले शैतानका कार्यहरूलाई मेरो प्रतिभारको रूपमा छानेको छु। के यो मेरो बुद्धिको प्रदर्शन होइन र? मेरो कार्यको बारेमा रहेको आश्चर्य नै ठीक यही होइन र? राज्यको युगभित्र प्रवेश गर्ने अवसरमा, स्वर्गमा र पृथ्वीमाथि भएका सबै थोकहरू पूर्ण रूपमा रूपान्तरित हुन्छन्‌, र तिनले उत्सव र आनन्द मनाउँछन्‌। के तिमीहरू केही फरक छौ? कसको हृदयमा महको मिठास छैन? को आनन्दले भरिएर छताछुल्ल भएको छैन? को उल्लासले नाच्दैन? कसले प्रशंसाका शब्दहरू उच्चारण गर्दैन?

मैले माथि चर्चा र छलफल गरेका कुराहरू सबैका लक्ष्यहरू र उत्पत्ति तिमीहरू बुझ्छौ, वा बुझ्दैनौ? यदि मैले यो नसोधेको भए, मैले केवल बकबक गर्दै थिएँ भन्ने अधिकांश मानिसहरूले विश्‍वास गर्थे होलान्‌, र मेरा वचनहरूको स्रोतलाई नाप्न असक्षम हुन्थे होलान्‌। यदि तिमीहरूले तिनलाई ध्यान दिएर विचार गर्छौ भने, तिमीहरूले तिनको महत्त्वको बारेमा बुझ्नेछौ। तैंले तिनलाई नजिकबाट पढ्नु बेस हुन्थ्यो: मेरा वचनहरूमध्ये कुन तेरो लागि लाभदायक छैन? कुनले तेरो जीवन वृद्धि गर्ने आशय राख्दैन? कुनले आत्मिक क्षेत्रको यथार्थको बारेमा बोल्दैन? मेरा वचनहरूमा अनुप्रास वा तर्क छैन, कि तिनमा व्याख्या र अर्थ खोलाइको अभाव छ भनी अधिकांश मानिसहरू विश्‍वास गर्छन्‌। के मेरा वचनहरू साँच्चै यति अमूर्त र अभेद्य छन्‌? के तिमीहरू साँच्चै मेरा वचनहरूप्रति समर्पित छौ? के तिमीहरू साँच्चै मेरा वचनहरू स्विकार गर्छौ? के तिमीहरूले तिनलाई खेलौनाको रूपमा व्यवहार गर्दैनौ? के तैंले तिनलाई तेरो आफ्नो कुरूपतालाई ढाक्ने कपडाको रूपमा प्रयोग गर्दैनस्‌? यस विशाल संसारमा, को मद्वारा व्यक्तिगत रूपमा जाँच गरिएको छ? कसले व्यक्तिगत रूपमा मेरो आत्माका वचनहरू सुनेको छ? धेरै मानिसहरू छामछुम गर्छन्‌ र अन्धकारमा खोज्छन्‌; धेरैले आपदको बीचमा प्रार्थना गर्छन्‌; भोका र कठ्याङ्ग्रिएका धेरैले आशामा हेर्छन्‌; र धेरै शैतानद्वारा बन्धित छन्‌; तापनि धेरैलाई कहाँ फर्कने थाहा छैन, धेरैले आफ्नो खुसीको बीचमा मलाई त्याग्छन्‌, धेरै अकृतज्ञ छन्‌, र धेरै शैतानको छली युक्तिहरूप्रति निष्ठावान्‌ छन्‌। तिमीहरूमध्येमा अय्यूब को हो? पत्रुस को हो? किन मैले अय्यूबलाई बारम्बार उल्लेख गरेको छु? किन मैले पत्रुसलाई यति धेरै पटक जनाएको छु? के तिमीहरूले तिमीहरूको लागि मेरा आशाहरू के हुन्‌ भनी कहिल्यै निश्चित गरेका छौ? तिमीहरूले यस्ता कुराहरूमा मनन‌ गर्न अधिक समय खर्च गर्नुपर्छ।

पत्रुस धेरै वर्षसम्म मप्रति विश्‍वासयोग्य थिए, तापनि उसले कहिल्यै गनगन गरेन न त कुनै गुनासो गरे; अय्यूब समेत पनि उसको बराबरीमा थिएन, र युगहरूभरि नै, सन्तहरू पत्रुसको तहसम्म पुग्नबाट चुकेका छन्‌। उसले केवल मलाई जान्न मात्र खोजेन‌, तर शैतानले त्यसका छली युक्तिहरू मञ्चन गर्दै गरेको समयावधिमा पनि उसले मलाई जान्न आयो। यसले, सदैव मेरो इच्छाको धारमा रहेर, धेरै वर्षसम्म मेरो सेवा गर्न पत्रुसलाई अभिप्रेरित गर्यो र यस कारणले गर्दा, ऊ शैतानद्वारा कहिल्यै शोषित भएन। पत्रुसले अय्यूबको विश्‍वासबाट पाठहरू सिके, तापनि अय्यूबका कमजोरीहरूलाई पनि प्रस्टै देखे। यद्यपि अय्यूबसँग ठूलो विश्‍वास थियो, उससँग आत्मिक क्षेत्रमा भएका कुराहरूको बारेमा ज्ञानको अभाव थियो, त्यसैले उसले धेरै कुराहरू भने जुन वास्तविकतासँग मेल खाएनन्‌; यसले देखाउँछ कि अय्यूबको ज्ञान सतही र सिद्धताको निम्ति असक्षम थियो। त्यसैले, पत्रुसले सदैव आत्माको भाव प्राप्त गर्ने कुरामा ध्यान केन्द्रित गर्यो, र आत्मिक क्षेत्रका गतिशीलताहरूलाई अवलोकन गर्न सदैव ध्यान दियो। परिणाम स्वरूप, ऊ मेरो चाहनाका कुराहरू पत्ता लगाउन मात्र सक्षम भएन, तर उसले शैतानको छली युक्तिहरूको बारेमा पनि थोरै ज्ञान पाए। यसले गर्दा, मेरो बारे उसको ज्ञान युगहरूभरिका जोसुकैको भन्दा पनि महान्‌ भएर बढ्यो।

पत्रुसले गरेको अनुभवबाट, यो कुरा देख्‍न कठिन छैन कि यदि मानिसहरूले मलाई जान्न चाहन्छन्‌ भने, तिनीहरूले आफ्ना आत्माहरूभित्र नै सचेत भएर हेक्का राख्ने कुरामाथि जोड दिनुपर्छ। तैंले आफ्नो निश्चित मात्रा मलाई बाह्य रूपमा “समर्पण” गर भनेर म भन्दिनँ; यो त द्वितीय सरोकारको विषय हो। यदि तैंले मलाई चिन्दैनस्‌ भने, सबै विश्‍वास, प्रेम, र निष्ठा जसको विषयमा तँ कुरा गर्छस्‌ ती भ्रमहरू मात्र हुन्छन्‌; ती बकबक हुन्छन्‌, र तँ मेरो सामुन्ने निकै ठूलो गर्व गर्ने तर आफैलाई नचिन्ने व्यक्ति बन्ने निश्चित छस्‌। यसको मतलब, तँ फेरि एक पटक शैतानद्वारा पासोमा फसाइने छस्‌ र आफैलाई मुक्त गर्न असमर्थ हुनेछस्‌; तँ अनन्त विनाशको पुत्र र विध्वंसको पात्र हुनेछस्। तापनि, यदि तँ मेरा वचनहरूप्रति मन्द र बेमतलबी हुन्छस्‌ भने, तैंले निःसन्देह मेरो विरोध गर्छस्। यो वास्तविकता हो, र मद्वारा सजाय प्राप्त गरेका धेरै र विविध आत्माहरूलाई तैंले आत्मिक क्षेत्रको द्वारबाट चियाएर हेर्नु बेस होला। मेरा वचनहरूसँग सामना गर्दा, तिनीहरूमध्ये को निष्क्रिय, बेमतलबी, र अस्वीकारी थिएन र? तिनीहरूमध्ये को मेरा वचनहरूको बारेमा निन्दनीय थिएन र? तिनीहरूमध्ये कसले मेरा वचनहरूमा खोट पत्ता लगाउने कोसिस गरेन र? तिनीहरूमध्ये कसले आफैलाई “रक्षा” गर्न मेरा वचनहरूलाई “प्रतिरक्षात्मक शस्त्रहरू” को रूपमा प्रयोग गरेन र? तिनीहरूले मलाई जान्ने माध्यमको रूपमा मेरा वचनहरूमा भएका विषयवस्तुहरूलाई प्रयोग गरेनन्‌, तर केवल खेल्ने खेलौनाहरूको रूपमा प्रयोग गरे। यसमा, के तिनीहरूले मलाई सीधै विरोध गर्दै थिएनन्‌ र? मेरा वचनहरू को हुन्‌? मेरो आत्मा को हो? मैले तिमीहरूलाई यस्ता प्रश्नहरू धेरै पटक सोधेको छु, तापनि के तिमीहरूले तीबारे कहिल्यै कुनै अझ उच्चतम‌ र स्पष्ट अन्तर्दृष्टिहरू पाएका छौ? तिमीहरूले कहिल्यै तिनलाई साँच्चै अनुभव गरेका छौ? म तिमीहरूलाई फेरि एक पटक स्मरण गराउँछु: यदि तिमीहरूले मेरा वचनहरू जान्दैनौ, वा तिनलाई स्विकार गर्दैनौ, वा तिनलाई अभ्यासमा लगाउँदैनौ भने, तिमीहरू पक्कै पनि मेरो सजायका पात्रहरू बन्नेछौ! तिमीहरू पक्कै पनि शैतानका सिकारहरू बन्नेछौ!

फेब्रुअरी २९, १९९२

अघिल्लो: अध्याय ६

अर्को: अध्याय १०

अब विपत्तिहरू भइरहेका छन्। हामी कसरी विपत्तिहरुको बीचमा प्रभुलाई स्वागत गर्ने मौका पाउन सक्छौं? उत्तर प्राप्त गर्न हामीलाई सम्पर्क गर्नुहोस्।

सम्बन्धित विषयवस्तु

परमेश्‍वरले सबै मानवजातिको भविष्यमाथि नेतृत्व गर्नुहुन्छ

मानवजातिका सदस्यहरू र समर्पित इसाईहरूका रूपमा, परमेश्‍वरको आदेशलाई पूरा गर्नका निम्ति हाम्रा मन र शरीरलाई बलिदानको रूपमा चढाउने हामी सबैको...

बाइबल सम्बन्धमा (३)

बाइबलमा भएका सबै कुरा परमेश्‍वरले व्यक्तिगत रूपमा बोल्नुभएका वचनहरूको अभिलेख होइनन्। बाइबलमा परमेश्‍वरको कार्यको अघिल्ला दुई चरणहरूको...

विश्‍वासमा, व्यक्तिले वास्तविकतालाई जोड दिनुपर्छ—धार्मिक विधिविधानमा संलग्‍न हुनु विश्‍वास होइन

तैँले कति वटा धार्मिक अभ्यासहरू पालना गर्छस्? तैँले कति पल्ट परमेश्‍वरको वचन विरुद्ध विद्रोह गरेको छस् र आफ्नै बाटोमा हिँडेको छ? तैँले...

सेटिङ्ग

  • टेक्स्ट
  • थिमहरू

पृष्ठभूमिको रङ्ग

थिमहरू

फन्टहरू

फन्टको आकार

लाइन स्पेसिङ्ग

लाइन स्पेसिङ्ग

पृष्ठको चौडाइ

विषयवस्तु

खोजी

  • यो शब्दको खोजी गर्नुहोस्
  • यो पुस्तकमा खोजी गनुृहोस्