अध्याय ६२

मेरो इच्‍छालाई बुझ्‍नु भनेको तैंले यसलाई जान्‍न सक् भनेर मात्रै होइन, तर तैँले मेरा अभिप्रायहरू अनुरूप कार्य गर्न सक् भन्‍नको लागि हो। मानिसहरू मेरो हृदयलाई बुझ्दैनन्। जब दिशा पूर्व हो भनी म भन्छु, तब तिनीहरू विचार गर्ने बाहेक केही गर्न सक्दैनन्, र सोच्छन्: “के यो साँच्चिकै पूर्व हो? सायद यो होइन। म विश्‍वासै गर्न सक्दिन; म आफैले खोज्नु पर्छ।” तिमीहरूलाई सम्‍हाल्‍नुको कठिनाइको हद यतिसम्म छ; वस्तविक समर्पणता के हो तिमीहरूलाई थाहै छैन। जब तिमीहरूले मेरो अभिप्राय बुझ्छौ, तब तिनीहरूलाई व्यवहारमा उतार्नमा मात्रै आफूलाई केन्द्रित गर—नसोच। तिमीहरू सँधै मैले भनेको कुरामा पूर्ण विश्‍वास गर्दैनौ र त्यसलाई मूर्ख तरिकाले स्वीकार्छौ। यसले कसरी वास्तविक अन्तर्दृष्टि दिन्छ? तिमीहरू मेरा वचनहरूमा कहिल्यै प्रवेश गर्दैनौ। मैले पहिले भनेझैँ मलाई चाहिएको कुरा मानिसहरूको धेरै संख्या होइन तर तिनीहरूमा उत्कृष्टता होस् भन्‍ने हो। जो मेरा वचनहरूमा प्रवेश गर्नुमा ध्यान केन्द्रित गर्दैन ऊ ख्रीष्टको असल सिपाही हुन अयोग्य हुन्छ; यसको सट्टा, तिनीहरू शैतानको नोकर बन्छन् र मेरो काममा अवरोध ल्याउँछन्। यसलाई सानो कुरा नठान। जसले मेरो कामलाई अवरोध गर्दछ उसले मेरो प्रशासनिक आदेशहरूलाई उल्लंघन गर्दछ, र यो निश्चित छ कि म त्यस्ता मानिसहरूलाई कडाइका साथ ताडना दिनेछु। यसको मतलब के हो भने, अबदेखि यदि तँ एक क्षणको लागि पनि मबाट टाढा भइस् भने, तँमाथि न्याय आइपर्नेछ। यदि तँ मेरा वचनहरूमा विश्‍वास गर्दैनस् भने, तँ स्वयम् हेर् कि मेरो मुहारको ज्योतिमा जिउनु र मलाई छोडेर जिउनुमा के फरक छ।

तँ आत्मामा जिउँछस् कि जिउँदैनस् भन्‍ने बारेमा मलाई चासो छैन। मेरो काम हालको चरणमा आइपुगेको छ, तैँले के गर्न सक्छस्? चिन्तित नबन्, किनकि मैले गर्ने सबै कामहरूका चरणहरू हुन्छन् र म आफ्‍नो काम आफै नै गर्छु। मैले काम गर्ने बित्तिकै, सबै पूर्ण रूपमा विश्‍वस्त हुन्छन्; यदि हुँदैनन् भने, म तिनीहरूलाई गम्भीर रूपमा सजाय दिनेछु, यो मेरो प्रशासनिक आदेशहरू अन्तर्गत पर्दछ। मेरो प्रशासनिक आदेशहरू प्रचारित र लागू गरिसकिएको छ र अब उप्रान्त लुकेको छैन। तिमीहरूले यसलाई स्पष्टसँग देख्नु पर्छ! सबै कुरा अब मेरो प्रशासनिक आदेशहरू भित्र पर्छ र जसले यसको उल्लंघन गर्छ उसले घाटा बेहोर्नुपर्छ। यो कुनै सानो कुरा होइन। के तँमा यसबारेमा केही अन्तर्दृष्टि छ? के तिमीहरू यसलाई स्पष्टसँग देख्न सक्छौ? म सङगति सुरु गर्नेछु: सबै राष्ट्रहरू र संसारका सबै मानिसहरू मेरो हातबाट प्रशासित छन्, र तिनीहरूको धर्म जे भए पनि उनीहरू सबै मेरो सिंहासनमा फर्कनुपर्छ। अवश्य नै, केहीलाई न्याय गरिएपछि, अतल कुण्डमा फालिनेछन् (बरबादीका वस्तुहरू जस्तै जुन पूर्ण रूपमा जलाइनेछ र अस्तित्व नै रहनेछैनन्), जबकी केहीलाई न्याय गरिएपछि, तिनीहरूले मेरो नाम ग्रहण गर्नेछन् र मेरो राज्यका प्रजा हुनेछन् (जसमा तिनीहरूले केवल एक हजार वर्षको लागि आनन्द गर्नेछन्)। तैपनि, तिमीहरू सदाको लागि मेरो साथ मेरो राज्यमा रहनेछौ र तिमीहरूले पहिले मेरो लागि कष्ट भोगेका हुनाले, म तिमीहरूको कष्टहरूलाई अनन्त आशीर्वादमा बदल्नेछु। जो मेरा मानिसहरू हुन् उनीहरूले निरन्तर ख्रीष्टको सेवा मात्रै गर्नेछन्। यहाँ जे कुरालाई आनन्द भनिएको छ त्यो केवल आनन्द मात्र होइन, तर ती मानिसहरूलाई प्रकोपहरूको कष्ट भोग्‍नबाट पनि बचाइनेछ। तिमीहरूलाई मैले दिएका मागहरू त्यति कठोर हुनु, र सबै कुरालाई अहिले मेरा प्रशासनिक आदेशहरूले छोइरहेको छ भन्‍ने कुराको भित्री अर्थ यही नै हो। यसको कारण यो हो कि यदि मेरो प्रशिक्षण स्वीकार गर्दैनौ भने, म तिमीहरूले उत्तराधिकार पाउने कुरा तिमीहरूलाई कुनै पनि हालतमा दिन सक्दिन। त्यसो भए तापनि, तिमीहरू सँधै शरीरको लागि सोच्छौ र सँधै आफ्नो लागि मात्रै बन्दोबस्तहरू र योजनाहरू बनाउँदै, पीडाबाट भयभीत हुन्छौ र तिमीहरूका आत्मालाई चोट लाग्‍नेछ भनेर डराउँछौ। के मैले तिमीहरूको लागि गरेका प्रबन्धहरू अनुपयुक्त छन्? त्यसो भए तँ किन आफै निरन्तर प्रबन्धहरू गर्छस्? मलाई बदनाम गर्छस्! त्यही होइन र? म तेरो लागि केही व्यवस्था गर्छु, तर तँ त्यसलाई पूर्ण रूपमा खण्डन गर्छस् र आफ्नै योजनाहरू बनाउँछस्।

तिमीहरू बोल्‍नमा सिपालु हुन सक्छौ, तर वास्तवमा तिमीहरूले कुनै पनि हालतमा मेरो इच्छाको पालन गर्दैनौ। मेरो कुरा सुन! म निश्चित रूपमा भन्दिन कि तिमीहरू मध्येमा एक जना मेरो इच्छाको कदर गर्न सक्षम छौ। तेरा कार्यहरू मेरो इच्छा अनुरूप भए पनि म तँलाई निश्चित रूपमा प्रशंसा गर्नेछैन। यो मुक्ति सम्‍बन्धी मेरो विधि हो। यद्यपि, तिमीहरू अझै पनि कहिलेकाहीँ आत्मसंतुष्ट हुन्छौ, आफूलाई सर्वोत्तम ठान्दै अरूलाई तुच्छ ठान्छौ। यो मानिसको भ्रष्ट स्वभावको एउटा पक्ष हो। तिमीहरू सबैले यो कुरा सतही हो भनेर स्वीकार्छौ। साँच्चै परिवर्तन हुनको लागि तिमीहरू मेरो नजिक आउनै पर्छ। मसँग सङ्गत गर् र म तँलाई अनुग्रह दिन्छु। केही अल्छी मानिसहरू केवल अरूले गरेको परिश्रमको फल प्राप्त गर्न चाहन्छन्, लुगा लगाउन आफ्ना पाखुराहरू तन्काए पुग्छ, र खानको लागि केवल आफ्नो मुख खोले पुग्छ, अझ अरूले चपाएर निल्न अघि उनीहरूको मुखमा राखिदिए हुन्थ्यो भनी सोच्छन्। त्यस्ता मानिसहरू महामूर्ख हुन्छन्, जो अरूले चपाएको खानेकुरा खान मन पराउँछन्। यो मानिसको सबैभन्दा आलस्यपनको अभिव्यक्ति हो। मेरा यी वचनहरू सुनेपछि तिमीहरूले यसलाई नाघ्नु हुँदैन। तैँले तब मात्रै सही गर्नेछस् जब ममा दोहोरो रूपमा ध्यान केन्द्रित गर्नेछस् र त्यसपछि मात्रै तैँले मेरो इच्छालाई सन्तुष्ट पार्नेछस्। यो सबै भन्दा राम्रो समर्पणता र आज्ञाकारीता हो।

अघिल्लो: अध्याय ७

अर्को: अध्याय १५

अब विपत्तिहरू भइरहेका छन्। हामी कसरी विपत्तिहरुको बीचमा प्रभुलाई स्वागत गर्ने मौका पाउन सक्छौं? उत्तर प्राप्त गर्न हामीलाई सम्पर्क गर्नुहोस्।

सम्बन्धित विषयवस्तु

सहस्राब्दीय राज्यको आगमन भएको छ

के तिमीहरूले मानिसहरूको यस समूहमा परमेश्‍वरले पूरा गर्नुहुने काम देखेका छौ? परमेश्‍वरले एक पटक भन्नुभयो, सहस्राब्दीय राज्यमा पनि मानिसहरूले...

आज परमेश्‍वरको कामलाई बुझ्‍नु

यी समयहरूमा परमेश्‍वरको काम बुझ्नु भनेको, सामान्यतया, आखिरी दिनहरूमा देहधारी परमेश्‍वरको मुख्य सेवकाइ के हो, र पृथ्वीमा उहाँ के गर्न...

गन्तव्यको सम्‍बन्धमा

जब-जब गन्तव्यको उल्लेख गरिन्छ, तिमीहरूले त्यसलाई विशेष गम्भीरताका साथ व्यवहार गर्छौ। यसबाहेक, यो यस्तो कुरा हो जसको बारेमा तिमीहरू विशेष...

सेटिङ्ग

  • टेक्स्ट
  • थिमहरू

पृष्ठभूमिको रङ्ग

थिमहरू

फन्टहरू

फन्टको आकार

लाइन स्पेसिङ्ग

लाइन स्पेसिङ्ग

पृष्ठको चौडाइ

विषयवस्तु

खोजी

  • यो शब्दको खोजी गर्नुहोस्
  • यो पुस्तकमा खोजी गनुृहोस्