११०९ परमेश्वरले अझ धेरै मानिसले उहाँको मुक्ति पाऊन् भनी इच्छा गर्नुहुन्छ
१
परमेश्वर अझ धेरै मानिसले उहाँका वचन र कामसामु ध्यान दिएर अनुसन्धान गर्न, र यस महत्त्वपूर्ण सन्देशलाई गम्भीरता र भक्तिभावसाथ लिन सकून् भन्ने आशा गर्नुहुन्छ। उहाँ तिनीहरू दण्डितहरूको पाइलामा नहिँडून्, र साँचो मार्ग स्पष्टसित थाहा भएर पनि जानाजानी यसलाई अवज्ञा गर्ने पावलजस्तो त झनै नहोऊन् र पापबलि नगुमाऊन् भन्ने आशा गर्नुहुन्छ। परमेश्वर अझ धेरै मानिसले दण्ड पाऊन् भन्ने चाहनुहुन्न, तर त्यसको साटो अझ धेरै मानिसले मुक्ति पाऊन्, र अझ धेरै मानिसले उहाँका पाइलाहरू पछ्याऊन् र उहाँको राज्यमा प्रवेश गरून् भन्ने आशा गर्नुहुन्छ।
२
परमेश्वर हरेक व्यक्तिसँग धार्मिकताका साथ व्यवहार गर्नुहुन्छ; तेरो उमेर जति भए पनि, वा तँसँग जति नै वरिष्ठता भए पनि, वा तैँले जति धेरै दुःख-पीडा भोगेको भए पनि, यी कुराका कारण परमेश्वरको धर्मी स्वभाव कहिल्यै परिवर्तन हुनेछैन। परमेश्वर कसैलाई पनि उच्च मान्नुहुन्न, न त कसैसँग अन्यायपूर्ण व्यवहार नै गर्नुहुन्छ। मानिसहरूप्रति उहाँको मनोवृत्ति भनेको तिनीहरूले सबै कुरा त्यागेर सत्यता स्वीकार गर्न सक्छन् कि सक्दैनन् र उहाँको नयाँ काम स्वीकार गर्न सक्छन् कि सक्दैनन् भन्ने कुरामा आधारित हुन्छ। यदि तँ उहाँको नयाँ कामलाई स्वीकार गर्न सक्छस् र उहाँले व्यक्त गर्ने सत्यता स्वीकार गर्न सक्छस् भने, तैँले परमेश्वरको मुक्ति प्राप्त गर्न सक्नेछस्।
—सर्वशक्तिमान् परमेश्वरको विरोध गर्दा दिइने दण्डको उत्कृष्ट उदाहरणहरू सन्दर्भग्रन्थबाट उद्धृत गरिएको
