५८७ मानिसका लागि परमेश्वरका अपेक्षाहरू परिवर्तन भएका छैनन्
१
अब्राहामले इसहाकलाई बलि चढाउँदा परमेश्वरले अब्राहामको निष्कपटता र समर्पणता देख्नुभयो, र उसले परमेश्वरको जाँचको सामना गर्न सकेको देख्नुभयो। परमेश्वरले उसको निष्कपटता र समर्पणतालाई स्वीकार गर्नुभएको भए पनि, ऊ परमेश्वरको विश्वासपात्र बन्न, परमेश्वरलाई चिन्ने र बुझ्ने, र परमेश्वरको स्वभावबारे ज्ञान भएको व्यक्ति बन्न अझै अयोग्य नै थियो; उहाँसँग एकै मनको हुन र उहाँको इच्छा पछ्याउनबाट टाढा थियो। त्यसकारण, हृदयमा परमेश्वर अझै एकलो र चिन्तित हुनुहुन्थ्यो। परमेश्वर जति-जति एकलो र चिन्तित बन्नुभयो, त्यति-त्यति नै उहाँले आफ्नो व्यवस्थापनलाई जतिसक्दो चाँडो निरन्तरता दिनु, र उहाँको व्यवस्थापन योजना र उहाँको इच्छा पूरा गर्न जतिसक्दो चाँडो मानिसहरूको एउटा समूह चुन्नु र प्राप्त गर्न सक्नु आवश्यक भयो। यो परमेश्वरको उत्कट अभिप्राय थियो, र यो सुरुदेखि आजसम्म अपरिवर्तित रहेको छ।
२
प्रारम्भमा परमेश्वरले मानिसलाई सृष्टि गर्नुभएदेखि नै, उहाँले उत्कट रूपमा विजेताहरूको एउटा समूहको, उहाँको स्वभाव बुझ्न, चिन्न र बोध गर्न सक्ने मानिसहरूको त्यस्तो समूहको तृष्णा गर्नुभएको छ, जो उहाँको साथमा हिँड्न सकून्। परमेश्वरको यो अभिप्राय कहिल्यै परिवर्तन भएको छैन। उहाँले अझै जति लामो समयसम्म पर्खनु परे पनि, अगाडिको बाटो चाहे जति नै कठिन भए पनि, र उहाँले तृष्णा गर्नुभएका उद्देश्यहरू जति नै टाढा भए पनि, परमेश्वरले मानिसबाट राख्नुभएका अपेक्षाहरू कहिल्यै बदल्नुभएको वा त्याग्नुभएको छैन।
—वचन, खण्ड २। परमेश्वरलाई चिन्ने विषयमा। परमेश्वरको काम, परमेश्वरको स्वभाव र परमेश्वर स्वयम् २
