१

मेरो कामको उद्देश्य ठ्याक्कै के हो, अनि कसका निम्ति म त्यो काम गर्छु भनी तैँले जान्नुपर्छ। तेरो प्रेममा असल समावेश छ कि दुष्ट? तँसित भएको मसम्बन्धी ज्ञान दाऊद तथा मोशाको समान छ कि छैन? मप्रतिको तेरो सेवा अब्राहामको समान छ कि छैन? तँ वास्तवमा मद्वारा सिद्ध पारिँदैछस्, तर तैँले कसलाई प्रतिनिधित्व गर्नेछस्, साथै तेरो परिणाम कसकोसरह हुनेछ भनी तैँले जान्नुपर्छ।

२

तेरो जीवनकालभरि, मेरो कामसम्बन्धी तेरो अनुभवमा, के तैँले हर्षपूर्ण रूपमा प्रचुर बाली भित्र्याएको छस्? के यो भरपूर तथा फलदायक छ? तैँले आफैलाई जाँच गर्नुपर्छ: तैँले मेरा खातिर वर्षौँ परिश्रम गरेको छस्, तर के तैँले कहिल्यै केही प्राप्त गरेको छस्? के तैँले कुनै रूपान्तरण अनुभव गरेको वा केही प्राप्त गरेको छस्? तेरो अत्यन्तै कठिन अनुभवहरूका बदलामा, के तँ पत्रुसजस्तै भएको छस् जसलाई क्रूसमा टाँगियो, कि पावलजस्तो भएको छस् जसलाई प्रहार गरेर लडाइयो र जसले ठूलो ज्योति प्राप्त गऱ्यो? तँमा यी कुराबारे केही बोध हुनुपर्छ।

—वचन, खण्ड १। परमेश्‍वरको देखापराइ र काम। मानिसको सार र पहिचान