३१६ म मेरो जीवन परमेश्वरको न्याय र सजायको साथमा बिताउन इच्छुक छु
१
हे परमेश्वर! तपाईँको प्रेम कति बहुमूल्य र सुन्दर छ; म कसरी दुष्टको हातमा जिउन इच्छुक हुन सक्छु र? के म तपाईँद्वारा सृजित होइन र? म कसरी शैतानको शक्तिअन्तर्गत जिउन सक्छु? म आफू दुष्टको शक्तिअन्तर्गत जिउनुभन्दा बरु तपाईँको सजायमाझ जिउनेथिएँ। जबसम्म म पखालिन र मसँग भएका सबै कुरा तपाईँलाई अर्पण गर्न सक्छु, तबसम्म म मेरो शरीर र हृदय तपाईँको न्याय र सजायमा अर्पण गर्न इच्छुक छु, किनभने म शैतानलाई घृणा गर्छु, र त्यसको सत्ताअन्तर्गत जिउन इच्छुक छैनँ। तपाईँले मलाई गर्ने न्यायमार्फत तपाईँ आफ्नो धर्मी स्वभाव देखाउनुहुन्छ; म पूर्ण रूपमा इच्छुक छु र मसँग अलिकति पनि गुनासो छैन। जबसम्म म सृजित प्राणीको कर्तव्य पूरा गर्न सक्छु, तबसम्म म आफ्नो सम्पूर्ण जीवनमा तपाईँको न्यायको साथ होस् भन्ने चाहन्छु, अनि त्यसरी म तपाईँको धर्मी स्वभावलाई चिन्नेछु र दुष्टको प्रभावबाट आफूलाई मुक्त गर्नेछु।
२
म तपाईँको सजायमाझ जिए पनि, र तपाईँको न्यायमाझ जिए पनि, त्यो जतिसुकै पीडादायी भए पनि, म शैतानको सत्तामा जिउन अनिच्छुक छु, शैतानद्वारा झुक्क्याइएर जिउन अनिच्छुक छु। म तपाईँका श्रापहरूमा जिउन आनन्द महसुस गर्छु र शैतानका आशिष्हरूमा जिउँदा पीडा महसुस गर्छु। तपाईँको न्यायमाझ जिउँदा म तपाईँलाई प्रेम गर्छु र यसले गर्दा मेरो हृदयमा ठूलो आनन्द छाउँछ। तपाईँका सजाय र न्याय धार्मिकता र पवित्रता हुन्; यो मलाई धुनका लागि हो र त्योभन्दा पनि बढी, यो मलाई मुक्ति दिनका लागि हो। म एक क्षण पनि शैतानको शक्तिअन्तर्गत जिउनुभन्दा बरु आफ्नो सम्पूर्ण जीवन तपाईँको न्यायमा बिताउन र तपाईँको हेरचाह पाउन चाहन्छु। म तपाईँबाट धोइन चाहन्छु; कष्ट नै भोग्नु परे पनि, म शैतानद्वारा शोषित हुन र झुक्क्याइन चाहन्नँ।
३
म, यो सृजित प्राणी, तपाईँद्वारा प्रयोग गरिनुपर्छ, तपाईँद्वारा स्वामित्वमा राखिनुपर्छ, म तपाईँद्वारा न्याय पनि गरिनुपर्छ, र तपाईँद्वारा सजाय दिइनुपर्छ, तपाईँद्वारा श्रापितसमेत हुनुपर्छ। तपाईँ मलाई आशिष् दिन इच्छुक हुनुहुँदा मेरो हृदय प्रसन्न हुन्छ, किनभने मैले तपाईँको प्रेम देखेको छु। तपाईँ सृष्टिकर्ता हुनुहुन्छ र म सृजित प्राणी हुँ: तपाईँलाई धोका दिएर म शैतानको सत्तामा जिउनु हुँदैन, न त म शैतानद्वारा शोषित हुनु नै हुन्छ। शैतानका लागि जिउनुको सट्टा त म तपाईँको घोडा वा गोरु हुनुपर्छ। बरु म कुनै पनि शारीरिक आनन्दविना नै तपाईँको सजायमाझ जिउनेछु; मैले तपाईँको अनुग्रह गुमाउनु परे पनि, म अझै पनि तपाईँद्वारा सजाय दिइन र न्याय गरिन रमाउनेथिएँ; तपाईँको सर्वोत्तम आशिष्, तपाईँको सबैभन्दा महान् अनुग्रह यही हो।
—वचन, खण्ड १। परमेश्वरको देखापराइ र काम। पत्रुसका अनुभवहरू: सजाय र न्यायसम्बन्धी उनको ज्ञान
