सम्पादकको नोट: हालैका वर्षहरूमा, आकाशीय घटना “रक्त चन्द्रमा” बारम्‍बार देखा परेको छ। महामारी, भूकम्प, र अनिकालजस्ता विभिन्‍न विपत्तिहरू झन्-झन् खराब हुँदै गइरहेका छन्। आखिरी दिनहरूबारे बाइबलका अगमवाणीहरू धेरै हदसम्म पूरा भइसकेका छन्। महाविपत्तिहरू अब हामीमाथि आइपरेका छन्, त्यसोभए हामीले प्रभुको पुनरागमनलाई कसरी स्वागत गर्नुपर्छ? यस लेखमा यसको जवाफ छ।

सन् २०२६ को ३ मार्चमा, आकाशमा एउटा दुर्लभ “रक्त चन्द्रमा” देखा पर्नेछ। यो सम्पूर्ण घटना करिब पाँच घण्टासम्म रहनेछ, जसअन्तर्गत करिब एक घण्टा पूर्ण ग्रहण लाग्नेछ, र त्यतिबेला चन्द्रमा गाढा रातो देखिनेछ। यो दुर्लभ रक्त चन्द्रमा विश्वका धेरै भागमा देखिनेछ।

हालका वर्षहरूमा, रक्त चन्द्रमाहरू संसारलाई चेतावनी दिए झैँ गरी बारम्बार देखा परेका छन्:

सन् २०१४ को १५ अप्रिलमा, रक्त चन्द्रमाको चतुष्टयमध्ये पहिलोले आकाशलाई रगतजस्तो रातो रङ्गमा रङ्गाउँदै आफ्नो अद्भुत उपस्थिति देखायो।

सन् २०१४ को ८ अक्टोबरमा, दोस्रो रक्त चन्द्रमा देखा पर्‍यो, र चेतावनीको घण्टी निरन्तर बजिरह्यो।

सन् २०१५ को ४ अप्रिलमा, तेस्रो रक्त चन्द्रमा देखा पर्‍यो, र असामान्य दृश्यहरू बारम्बार देखिन थाले।

सन् २०१५ को २७–२८ सेप्टेम्बरमा, चौथो रक्त चन्द्रमा र महाचन्द्रमा एक साथ देखा परे।

सन् २०१८ को ३१ जनवरीमा, आकाशमा दुर्लभ “महा नील रक्त चन्द्रमा” को त्रि-संयोग देखा पर्‍यो।

सन् २०१९ को २१ जनवरीमा, “महा रक्त ब्वाँसो चन्द्रमा” ले रातको आकाशलाई हल्लाइदियो, जहाँ रातो चन्द्रमा ब्वाँसो चन्द्रमाका विशेषताका साथ देखा परेको थियो—यो अर्को दुर्लभ खगोलीय घटना थियो।

सन् २०२१ को २६ मेमा, रक्त चन्द्रमा फेरि एकपटक महा चन्द्रमासँगै देखा पर्‍यो।

सन् २०२२ को १६ मेमा, पूर्वमा “पुष्प रक्त चन्द्रमा” उदायो, र मानिसहरूले फेरि एक पटक चन्द्रमा रगतमा परिणत भएको देखे।

सन् २०२५ को १३–१४ मार्चमा, अर्को रक्त चन्द्रमा देखा पर्‍यो—किरा चन्द्रमा भनेर चिनिने पूर्णिमाको चन्द्रमा रगतजस्तो रातो भयो।

सन् २०२५ को ७–८ सेप्टेम्बरमा, एउटा दुर्लभ रक्त चन्द्रमा देखा पर्‍यो, जुन ८२ मिनेटसम्म रह्यो।

के यी बारम्बार दोहोरिने रक्त चन्द्रमाहरू खगोलीय घटनाहरू मात्र हुन्? कि तिनले हामीलाई महाविपत्तिहरू झन्-झन् नजिकिँदै छन् भनेर याद दिलाइरहेका छन्?

धेरै अगमवक्ता रक्त चन्द्रमाहरू देखा पर्नु भनेको आउन लागेका असाधारण र ठूला घटनाहरूको सङ्केत हो भन्ने विश्वास गर्छन्। धेरै बाइबल विज्ञ पनि छन् जसले रक्त चन्द्रमाहरू देखा पर्नु भनेको योएलको पुस्तक २:२९–३१ को अगमवाणी पूरा हुनु हो भनी दृढतापूर्वक विश्वास गर्छन्:“अनि ती दिनहरूमा म सेवकहरू र सेविकाहरू दुवैमा मेरो आत्मा खन्याउनेछु। अनि म स्वर्ग र पृथ्वीमा उदेकका कामहरू गर्नेछु, अर्थात् रगत अनि आगो र धुँवाको खम्बाहरू। यहोवाको महान् र भयानक दिन आउनुभन्दा अगाडि सूर्य अन्धकारमा परिणत हुनेछ र चन्द्रमा रगतमा परिणत हुनेछ” साथै, प्रकाश ६:१२ मा यो उल्‍लेख गरिएको छ: “अनि उहाँले छैटौँ मोहर खोल्‍नुभएको मैले देखेँ र धेरै ठूलो भुईँचालो गयो; अनि सूर्य कपालले बनेको भाङ्ग्राजस्तो कालो भयो र चन्द्रमा रगतजस्तो रातो भयो।” अगमवाणीमा उल्लेख गरिएको “महान् र भयानक दिन” ले महाविपत्तिहरूलाई जनाउँछ। हामी सबैले विगत केही वर्षमा विपत्तिहरू बढ्दै गएको देखेका छौँ, जहाँ भूकम्प, अनिकाल, महामारी र बाढीजस्ता प्रकोपहरू बारम्बार भइरहेका छन्, जुन वास्तवमै भयावह छन्; विश्वको परिस्थितिमा उथलपुथल भइरहेको छ र त्यो निरन्तर परिवर्तन भइरहेको छ, र युद्ध, हिंसात्मक घटना र आतङ्ककारी हमलाहरू बारम्बार भड्किरहेका छन्, जुन निरन्तर बढिरहेका छन्; विश्वव्यापी जलवायु उष्ण हुँदैछ, र चरम मौसमी घटना तथा विभिन्न खगोलीय आश्चर्य बारम्बार घटिरहेका छन्। बाइबलमा अगमवाणी गरिएका आखिरी दिनहरूका चिह्नहरू एक-एक गर्दै देखा परेका छन्। रक्त चन्द्रमाहरू बारम्बार देखा पर्नु कुनै असाधारण दृश्य होइन, यो त आखिरी दिनहरूको चेतावनी हो!

महाविपत्तिहरू आइसकेका हुनाले, हामीले कसरी प्रभुलाई स्वागत गर्नुपर्छ र उहाँको मुक्ति प्राप्त गर्नुपर्छ? प्रभु येशूले भन्‍नुभयो: “मेरा भेडाले मेरो आवाज सुन्छन्, र म तिनीहरूलाई चिन्छु र तिनीहरूले मलाई पछ्याउँछन्” (यूहन्‍ना १०:२७)। “अझै पनि मैले तिमीहरूलाई भन्‍नुपर्ने कुराहरू धेरै छन्, तर अहिले तिमीहरूले ती सहन सक्‍दैनौ। तर, जब उहाँ, सत्यताका आत्मा, आउनुहुन्छ, उहाँले तिमीहरूलाई सारा सत्यतामा मार्गदर्शन गर्नुहुनेछ” (यूहन्‍ना १६:१२-१३)। प्रकाशको पुस्तकको अध्याय २ र ३ मा विभिन्‍न ठाउँमा यो अगमवाणी गरिएको छ: “आत्माले मण्डलीहरूलाई के भन्‍नुहुन्छ सो, कान हुनेले सुनोस्।” यी अगमवाणीहरूबाट, हामी परमेश्‍वरले मानिसहरूलाई सम्पूर्ण सत्यतामा डोर्‍याउन आखिरी दिनहरूमा वचनहरू बोल्नुहुनेछ, उनीहरूलाई शुद्ध गर्न र मुक्ति दिन तथा उनीहरूलाई परमेश्‍वरको राज्यमा ल्याउनका लागि कामको नयाँ चरण गर्नुहुनेछ भन्ने कुरा देख्न सक्छौँ। परमेश्‍वरको आवाज सुनेर र परमेश्‍वरको देखा पराइको तृष्णा गरेर मात्र हामी प्रभु येशूको पुनरागमनलाई स्वागत गर्न सक्छौँ, परमेश्‍वरद्वारा मुक्ति दिइने र सिद्ध पारिने मौका पाउन सक्छौँ, र उहाँसँगै सुन्दर गन्तव्यमा प्रवेश गर्न सक्छौँ। नत्र, प्रभुको पुनरागमन छुटाएपछि, हामीले परमेश्‍वरको मुक्ति गुमाउनेछौँ, आखिरी दिनहरूका महाविपत्तिहरूमा पर्नेछौँ, र हटाइनेछौँ र दण्डित हुनेछौँ। यसबारे परमेश्‍वर यसो भन्नुहुन्छ:

हरप्रकारका प्रकोपहरू एकपछि अर्को गरी आइपर्नेछन्; सबै देश र ठाउँहरूले प्रकोपहरू भोग्‍नेछन्: महामारी, अनिकाल, बाढी, खडेरी र भूकम्प सबैतिर छन्। यी प्रकोपहरू एक वा दुई ठाउँहरूमा मात्र घटिरहेका छैनन्, न त यी एक वा दुई दिनमा नै सकिनेछन्; बरु, यी प्रकोपहरू त अझ ठूला-ठूला क्षेत्रहरूमा फैलँदै र झन्झन् गम्भीर बन्दै जानेछन्। यस अवधिमा, हरकिसिमका किराका प्रकोपहरू एकपछि अर्को गरी देखा पर्दै जानेछन् र नरभक्षणका घटनाहरू जताततै देखा पर्नेछन्। यो असङ्ख्य देश र मानिसहरूमाथि मेरो न्याय हो।

—वचन, खण्ड १। परमेश्‍वरको देखापराइ र काम। प्रारम्‍भमा ख्रीष्‍टका वाणीहरू, अध्याय ६५

संसारको व्यापक फैलावटमा, महासागरहरू भरिएर मैदानमा परिणत हुन्छन्, र जमिनहरू बगेर महासागरहरूमा परिवर्तन हुन्छन् र यो प्रक्रिया अनगिन्ती पटक दोहोरिन्छ। यावत् थोकमाझ, सबै कुरामाथि सार्वभौमिकता राख्नुहुने उहाँबाहेक, अरू कोही पनि यस मानवजातिलाई अगुवाइ गर्न र मार्गनिर्देशन गर्न सक्षम छैन। मानवजातिका निम्ति परिश्रम गर्ने वा तयारी गर्ने “शक्तिशाली जन” कोही पनि छैन, मानवजातिलाई ज्योतिको गन्तव्यतिर सर्न र मानिसको संसारका अन्यायहरूबाट मुक्त हुन अगुवाइ गर्न सक्‍ने जन त झनै छैन। मानवजातिको भविष्यप्रति परमेश्‍वर विलाप गर्नुहुन्छ, उहाँ मानिसको पतनप्रति शोक गर्नुहुन्छ, अनि मानिस पाइला दर पाइला क्षय र फर्कन नसक्‍ने मार्गतिर हिँडिरहेको कुराले उहाँलाई पीडा दिन्छ। यो कुरा कसैले कहिल्यै विचार गरेको छैन: परमेश्‍वरको हृदयलाई पूर्ण रूपमा छियाछिया बनाएको र दुष्‍टलाई खोज्न उहाँलाई छोडेको त्यस्तो मानवजाति कतातिर लागेको हुन सक्छ? यसैकारणले गर्दा नै कसैले पनि परमेश्‍वरको क्रोध महसुस गर्ने प्रयास गर्दैन, कसैले पनि परमेश्‍वरलाई प्रसन्न पार्ने मार्ग खोज्दैन वा परमेश्‍वरको नजिक जाने कोसिस गर्दैन, अझ भन्नुपर्दा, कसैले पनि परमेश्‍वरको शोक र पीडा बुझ्ने प्रयास गर्दैन। परमेश्‍वरको आवाज सुनेपछि पनि, मानिस आफ्नै मार्गमा हिँड्न जारी राख्छ, परमेश्‍वरबाट टाढा जान जिद कस्छ, परमेश्‍वरको अनुग्रह र हेरचाहबाट तर्कन्छ, उहाँको सत्यताबाट अलग बस्छ, परमेश्‍वरको शत्रु शैतानका हातमा आफूलाई बेच्न रुचाउँछ। र कसले सोचेको छ कि, यदि मानिस आफ्नो जिदमा लागिरह्यो भने, परमेश्‍वरलाई अत्यन्तै अवहेलना गर्ने यस मानवजातिप्रति उहाँले कस्तो व्यवहार गर्नुहुनेछ? परमेश्‍वरले मानिसलाई बारम्बार चेतावनी र अर्ती दिने कारण के हो भने, उहाँले आफ्नो हातमा अभूतपूर्व विपत्तिहरू तयार पार्नुभएको छ, जो मानिसको देह र आत्मालाई असह्य हुनेछ, जो देहका निम्ति दण्ड मात्र हुँदैनन्, बरु आत्माप्रति लक्षित हुन्छन् भन्ने कुरा कसैलाई थाहा छैन। तिमीहरूले यो कुरा थाहा पाउनुपर्छ: जब परमेश्‍वरको योजना विफल हुन्छ, र उहाँका चेतावनी र अर्तीहरूको कुनै प्रतिक्रिया दिइँदैन, तब उहाँले कस्तो क्रोध पोखाउनुहुनेछ? यो कुनै पनि सृजित प्राणीले कहिल्यै अनुभव नगरेको र थाहा नपाएको किसिमको हुनेछ। त्यसैले म भन्छु, यी विपत्तिहरू अभूतपूर्व छन्, र कहिल्यै दोहोरिनेछैन। किनकि परमेश्‍वरको योजना भनेको, मानवजातिलाई यो एक पटक मात्रै सृष्‍टि गर्नु र मानवजातिलाई यो एक पटक मात्रै मुक्ति दिनु हो। यो पहिलो पटक र अन्तिम पटक पनि हो। त्यसकारण, परमेश्‍वरले मानवजातिलाई यस पटक मुक्ति दिनुपछाडिका श्रमसाध्य अभिप्रायहरू र उत्कट प्रत्याशालाई कसैले बुझ्न सक्दैन।

—वचन, खण्ड १। परमेश्‍वरको देखापराइ र काम। परमेश्‍वर मानिसको जीवनको स्रोत हुनुहुन्छ

परमेश्‍वरको काम शक्तिशाली छालजस्तै अघि बढ्छ। कसैले पनि उहाँलाई रोक्न सक्दैन, र उहाँको अघि बढाइलाई कसैले पनि थाम्न सक्दैन। उहाँका वचनहरूलाई ध्यान दिएर सुन्‍नेहरू, र उहाँलाई खोज्ने र तिर्खाउनेहरूले मात्र उहाँका पदचापहरू पछ्याउन र उहाँको प्रतिज्ञा प्राप्‍त गर्न सक्छन्। जसले गर्दैनन् तिनीहरूले विनाशकारी प्रकोप भोग्‍नेछन् र तिनीहरूले पाउन लायकको दण्ड पाउनेछन्।

—वचन, खण्ड १। परमेश्‍वरको देखापराइ र काम। परिशिष्ट २: परमेश्‍वरले सबै मानवजातिको नियतिमाथि सार्वभौमिकता राख्नुहुन्छ