प्रभुका सबै विश्‍वासीहरू उहाँको पुनरागमनको व्यग्र प्रतीक्षामा छन्। आज, हामी प्रभु येशूका अगमवाणीहरूबारे केही सङ्गति गर्दै प्रभुको पुनरागमनसम्‍बन्धी फरकफरक बुझाइहरूबारे छलफल गर्नेछौँ। धेरैजसो मानिसहरूले प्रभुको पुनरागमन बादलको सवारीमा हुनेछ भनेर विश्‍वास गर्छन्, तर बाइबलमा दिइएका प्रभु येशूका आफ्‍नै अगमवाणीहरूअनुसार उहाँले मानिसको पुत्रको रूपमा फर्केर वचनहरू बोल्‍नुहुनेछ। प्रभुले धेरैपटक मानिसको पुत्रको रूपमा आउने वा देखा पर्नेबारेमा अगमवाणी गर्नुभएको छ, र मानिसको पुत्रको आगमनले परमेश्‍वर देहमा देखा परी काम गर्नुलाई जनाउँछ। यो मात्रै सबैभन्दा विशुद्ध अर्थ्याइ हो, र तपाईंले धार्मिक मण्डलीमा यस्तो अर्थ्याइ सुन्‍ने सम्‍भावना निकै कम छ। मानिसको पुत्रको आगमन वा देखापराइ एउटा ठूलो रहस्य हो, र यो उहाँको देखापराइ र कामलाई स्वागत नगरी जान्‍न नसकिने कुरा हो।

बाइबलमा प्रभुको पुनरागमनबारे कैयौँ अगमवाणीहरू दिइएका छन्, तर तीमध्ये धेरैजसो अगमवाणीहरू प्रेरित वा अगमवक्ताहरूजस्ता मानिसहरू वा स्वर्गदूतहरूबाट आएका छन्। मानिसहरूले प्रायजसो उद्धृत गर्ने अगमवाणीहरू प्रायजसो मानिसहरूबाटै आएका हुन्छन्, त्यसकारण तिनीहरू प्रभु खुलेआम बादलको सवारीमा आउनुभएको देख्‍ने तृष्णा गर्छन्। तर वास्तवमा, प्रभुको पुनरागमन एउटा गहन रहस्य हो। प्रभु येशूले भन्नुभयो, “तर त्यो दिन र घडीको बारेमा न त कुनै मानिसलाई थाहा छ, न त स्वर्गका दूतहरूलाई, न त पुत्रलाई, तर मेरा पितालाई मात्रै थाहा छ” (मत्ती २४:३६)। त्यो दिन वा घडीको बारेमा कसैलाई थाहा छैन, स्वर्गदूतहरू वा पुत्रलाई समेत थाहा छैन, त्यसैले के मानव वा स्वर्गदूतहरूले दिएका प्रभुको पुनरागमनसम्‍बन्धी बाइबलका अगमवाणीहरू सही हुन सक्छन्? त्यस्तो सम्‍भव नहोला। त्यसकारण, यदि हामी प्रभुलाई स्वागत गर्न चाहन्छौँ भने, हामीले प्रभु येशूका अगमवाणीहरूअनुसार चल्‍नुपर्छ। प्रभुलाई स्वागत गर्ने हाम्रो एउटै आशा त्यही हो। प्रभु बादलको सवारीमा आउनुहुनेछ भनी हठ र जिद्दी गर्नेहरू सबका सब विपत्तिहरूमा पर्नेछन् र दाह्रा किट्दै रुनेछन्। प्रभु येशूले भन्नुभयो, “किनभने जसरी बिजुली पूर्वबाट चम्‍किन्‍छ र पश्‍चिमतिर पनि चम्‍किन्‍छ; मानिसको पुत्रको आगमन पनि त्यस्तै हुनेछ” (मत्ती २४:२७)। “किनभने जसरी चट्याङ्गले आकाशमुनिको एउटा भागलाई उज्यालो बनाउँदा आकाशमुनिको अर्को भागलाई पनि चम्किलो बनाउँछ; मानिसको पुत्र पनि उनको दिनमा त्यस्तै हुनेछन्। तर सुरूमा उहाँले धेरै कुराहरूको कष्ट भोग्‍नुपर्छ, र यस पुस्ताद्वारा इन्कार गरिनुपर्छ” (लूका १७:२४-२५)। “मैले तिमीहरूलाई भन्‍नुपर्ने कुराहरू धेरै छन्, तर अहिले तिमीहरूले ती सहन सक्‍दैनौ। तैपनि, जब उहाँ, अर्थात् सत्यका आत्मा आउनुहुन्छ, उहाँले तिमीहरूलाई सारा सत्यतामा अगुवाइ गर्नुहुनेछ … र उहाँले तिमीहरूलाई आउनेवाला कुराहरू देखाउनुहुनेछ” (यूहन्‍ना १६:१२-१३)। “हेर, म ढोकामा खडा हुन्छु र ढकढक्याउँछु: यदि कसैले मेरो स्वर सुन्‍छ र ढोका खोल्‍छ भने, म उसकहाँ भित्र आउनेछु र म उसँग खानपान गर्नेछु र उसले मसँग खानपान गर्नेछ” (प्रकाश ३:२०)। “आत्माले मण्डलीहरूलाई के भन्‍नुहुन्छ सो, कान हुनेले सुनोस्” (प्रकाश २:७)। “मेरा भेडाले मेरो सोर सुन्छन्, र म तिनीहरूलाई चिन्छु र तिनीहरूले मलाई पछ्याउँछन्” (यूहन्‍ना १०:२७)। प्रभु येशूका यी अगमवाणीहरूमा हामी के देख्‍न सक्छौँ? प्रभुका वचनहरूले हामीलाई उहाँ आखिरी दिनहरूमा मानिसको पुत्रको रूपमा आउनुहुनेछ भनेर स्पष्ट रूपमा बताउँछन्। मानिसको पुत्र वास्तवमा देहधारण हुनुहुन्छ, र उहाँले धेरै सत्यताहरू व्यक्त गर्दै मुख्य रूपमा वचनहरू बोल्‍नुहुनेछ, र परमेश्‍वरका चुनिएका मानिसहरूलाई सबै सत्यतामा प्रवेश गराउनुहुनेछ। प्रभु आउनुभई सत्यताहरू व्यक्त गरेर, उहाँले कुन काम पूरा गर्नुहुनेछ? निस्सन्देह नै, उहाँले परमेश्‍वरको घरबाट सुरु गर्दै न्यायको काम गर्नुहुनेछ; उहाँले मानवजातिलाई मुक्ति दिन काम गर्नुहुनेछ। त्यसो भए, हामीले प्रभुलाई कसरी स्वागत गर्न सक्छौं? उहाँ मानिसका पुत्रको रूपमा आउनुहुने भएकोले, र मानिसको पुत्रमा कुनै स्पष्ट अलौकिकताविनाको पूर्णतः सामान्य स्वरूप हुने भएकोले, उहाँको बाहिरी स्वरूपबाट मात्रै कसैले पनि उहाँ परमेश्‍वरको देखापराइ हुनुहुन्छ भन्‍ने कुरा बुझ्नेछैन। मुख्य कुरा भनेको मानिसको पुत्रका वाणीहरू सुनेर यो परमेश्‍वरको आवाज हो कि होइन भनेर हेर्नु हो। प्रभुलाई स्वागत गर्ने काम परमेश्‍वरको आवाज चिनेर अनि उहाँको लागि ढोका खोलेर हासिल गरिन्छ। यदि उहाँले सत्यताहरू बोल्‍नुहुन्छ तर मानिसहरूले उहाँको आवाज आउँदा कान बन्द गर्छन् भने, तिनीहरूसँग उहाँलाई स्वागत गर्ने कुनै उपाय हुँदैन। प्रकाशको पुस्तकमा बारम्‍बार यो भविष्यवाणी गरिएको छ: “आत्माले मण्डलीहरूलाई के भन्‍नुहुन्छ सो, कान हुनेले सुनोस्” (प्रकाश अध्याय २, ३)। यो कुरा कुल सातपटक उल्‍लेख गरिएको छ। त्यसकारण, प्रभुलाई स्वागत गर्नको लागि, परमेश्‍वरको आवाज सुन्‍नु अत्यन्तै महत्त्वपूर्ण छ; उहाँलाई स्वागत गर्ने एउटै मात्र उपाय यही हो। प्रभुलाई स्वागत गर्ने कडी के हो, के अब तपाईंलाई थाहा भयो? हामीले प्रभुलाई स्वागत गर्नको लागि पूर्ण रूपमा परमेश्‍वरको आवाज सुन्‍ने प्रयास गर्नुपर्छ, र यो “आवाज” ले फर्कनुभएका प्रभुले व्यक्त गर्नुभएका धेरै सत्यताहरू जनाउँछ, मानिसहरूले पहिले कहिल्यै नसुनेका र बाइबलमा कहिल्यै नलेखिएका सबै सत्यताहरू जनाउँछ। बुद्धिमती कन्याहरूले मानिसको पुत्रले व्यक्त गर्नुभएका सबै वचनहरू सत्यता हुन्, परमेश्‍वरका आवाज हुन् भन्‍ने पत्ता लगाउँछन् र आनन्दित भएर प्रभुलाई स्वागत गर्छन्। प्रभु मात्रै सत्यता व्यक्त गर्न सक्‍ने हुनुहुन्छ; प्रभु मात्रै बाटो, सत्यता, र जीवन हुनुहुन्छ। मानिसको पुत्रले व्यक्त गर्नुभएका वचनहरू सुनेर पनि उदासीन बस्‍ने वा बेवास्ता गर्ने, वा सत्यता स्विकार्न नमान्‍ने व्यक्ति निर्बुद्धि कन्या हो, जसलाई प्रभुले त्याग्‍नुहुनेछ। तिनीहरू अवश्य नै ठूलाठूला विपत्तिहरूमा पर्नेछन्, र दाह्रा किट्दै रुनेछन्। अहिलेसम्‍म, धार्मिक संसारले प्रभुलाई स्वागत गरेको छैन; बरु, तिनीहरू विपत्तिहरूको चपेटामा परेका छन् र निरन्तर हताश अवस्थामा परमेश्‍वरलाई दोषारोपण र इन्कार गर्दै बसेका छन्। परमेश्‍वरका भेडाहरूले परमेश्‍वरको आवाज सुनेपछि उत्कटताको साथ साँचो मार्गको खोजी र अनुसन्धान गर्छन्, जसले गर्दा तिनीहरूले प्रभुलाई स्वागत गर्न सक्छन्। त्यसकारण हामी यस कुराप्रति स्पष्ट हुनुपर्छ। आखिरी दिनहरूमा जब प्रभु फर्कनुहुन्छ, तब उहाँ मानिसको पुत्रको रूपमा देखा पर्नुहुनेछ र उहाँले सबै सत्यता व्यक्त गर्नुहुनेछ, अनि प्रभुको देखापराइको खोजी गर्ने हाम्रो कडी भनेको प्रभुले व्यक्त गर्नुभएका यी सबै सत्यताहरू कहाँ छन् भनेर खोज्‍नु हो, परमेश्‍वर कुन मण्डलीमा बोलिरहनुभएको छ त्यो मण्डली खोज्‍नु हो। मानिसको पुत्रले व्यक्त गर्नुभएका सत्यताहरू पत्ता लगाएपछि, तपाईंले त्यो आवाजको स्रोत पछ्याएर परमेश्‍वरको देखापराइ र काम भेट्टाउन सक्‍नुहुन्छ। प्रभुले व्यक्त गर्नुभएका सबै सत्यताहरू मानवजातिलाई शुद्ध पार्ने र मुक्ति दिने सत्यताहरू हुन् भन्‍ने कुरा पत्ता लगाउनेबित्तिकै, तपाईंले प्रभुको पुनरागमन स्विकार्नुहुनेछ, र उहाँलाई स्वागत गर्नुहुनेछ। प्रभुलाई स्वागत गर्ने सबैभन्दा उत्तम र सरल तरिका यही हो। आकाशतिर नियाल्दै बस्‍नु जरुरी छैन, न त प्रभु बादलको सवारीमा ओर्लनुहुन्छ भनेर पहाडको टुप्‍पामा उभिनु, न त निरन्तर प्रार्थना गर्नु वा उपवास बस्दै प्रार्थना गर्नु नै जरुरी छ। परमेश्‍वरको आवाज सुन्‍ने आफ्‍नो प्रहलमा कहिल्यै विश्राम नलिई जागा रहँदै प्रतीक्षा गर्नु मात्रै जरुरी छ।

यस बिन्दुमा, तपाईंहरूमध्ये कतिले सोचिरहनुभएको होला: त्यसो भए, हामीले सुनेको कुरा परमेश्‍वरकै आवाज हो भनी कसरी चिन्‍न सक्छौँ? वास्तवमा, परमेश्‍वरको आवाज सुन्‍न गाह्रो छँदै छैन। प्रभु येशूले भन्नुभयो, “अनि मध्यरातमा आवाज आयो, हेर, दुलहा आइपुगे; उनलाई भेट्न जाओ” (मत्ती २५:६)। कसैले परमेश्‍वरको देखापराइ र कामको गवाही दिएको वा उहाँले धेरै सत्यताहरू व्यक्त गर्नुभएको छ भनेर भनेको सुन्‍नुभयो भने, तपाईंले तुरुन्तै यसबारेमा सोधखोज गर्नुपर्छ र परमेश्‍वरले बोल्‍नुभएको भनी भनिएका यी वचनहरू सत्यता हुन् कि होइनन् भनेर हेर्नुपर्छ। यदि ती सत्यता हुन् भने, तपाईंले ती वचनहरू स्वीकार गर्नुपर्छ, किनभने परमेश्‍वरका भेडाहरूले उहाँको आवाज सुन्छन्। यो परमेश्‍वरले पूर्वनिर्धारित गर्नुभएको कुरा हो, र यो कुरा व्यक्ति कति शिक्षित छ, उसले कति राम्ररी परमेश्‍वरलाई चिनेको छ, वा उसको अनुभव कति गहिरो छ भन्‍ने कुरामा भर पर्दैन। इसाईहरूको रूपमा तपाईंहरूले प्रभु येशूद्वारा बोलिएका धेरै वचनहरू सुन्दा कस्तो महसुस गर्नुहुन्छ? प्रभुका वचनहरू अनुभव नगरेको वा नबुझेको भए पनि, ती वचनहरू सुन्‍नेबित्तिकै तपाईंलाई ती सत्यता हुन्, तिनमा अख्‍तियार र शक्ति छन् भन्‍ने लाग्छ; ती प्रगाढ र रहस्यमय छन्, मानव बुझाइभन्दा बाहिर छन् भन्‍ने अनुभूति हुन्छ—यो उत्प्रेरणा र अन्तर्ज्ञानको काम हो। हामीले यो कुरा स्पष्ट रूपमा व्यक्त गर्न सके पनि नसके पनि, यो अनुभूति सही छ, र यदि व्यक्तिमा हृदय र प्राण छ भने, उसले परमेश्‍वरका वचनहरूको शक्ति र अख्‍तियार अनुभूति गर्न सक्छ भन्‍ने कुरा देखाउन यो पर्याप्त छ। परमेश्‍वरको आवाज सुन्‍नु भनेको यही हो। यो विषयको थप गहिराइमा जाने हो भने, परमेश्‍वरका वचनहरूमा अरू के-कस्ता विशेषताहरू हुन्छन्? परमेश्‍वरका वचनहरूले हामीलाई जीवनको भरणपोषण प्रदान गर्छन्; तिनले रहस्यहरू प्रकट गरिदिन्छन्, र नयाँ युगको सुरुवात गरी पुरानो युगलाई समाप्त पार्छन्। त्यसरी नै प्रभु येशूले मानिसहरूलाई गोठालो, मलजल, र भरणपोषण गर्न कुनै पनि समय र कुनै पनि स्थानमा सत्यताहरू व्यक्त गर्न सक्‍नुभयो; प्रभुले स्वर्गको राज्यका रहस्यहरू पनि प्रकट गर्नुभयो, मानवजातिलाई “पश्‍चात्ताप गर: किनभने स्वर्गको राज्य नजिकै छ” भन्दै पश्‍चात्तापको मार्ग दिनुभयो, अनुग्रहको युगको सुरुवात गर्नुभयो, व्यवस्थाको युगको अन्त्य गर्नुभयो, र मानवजातिलाई छुटकारा दिने काम पूरा गर्नुभयो। यो कुनै पनि मानवले पूरा गर्न सक्‍ने कुरा थिएन। के कुरा यही होइन र? त्यसकारण, आजभोलि, मानिसको पुत्रले धेरै वर्षदेखि वचनहरू बोलिरहनुभएको छ, धेरै सत्यता व्यक्त गरिरहनुभएको छ। यी वचनहरू पढेर धेरै मानिसहरूले ती पवित्र आत्‍माका वाणीहरू, परमेश्‍वरको आवाज हुन् भन्‍ने अनुभव गरेका छन्, र तिनीहरू सत्यताहरू व्यक्त गर्ने यो मानिसको पुत्र फर्कनुभएका प्रभु येशू, अर्थात् देहमा आउनुभएका सर्वशक्तिमान्‌ परमेश्‍वर हुनुहुन्छ भन्‍ने कुरामा पक्‍का भएका छन्। सर्वशक्तिमान्‌ परमेश्‍वरले परमेश्‍वरको ६,००० वर्षे व्यवस्थापन योजनाका रहस्यहरू खुलासा गर्दै, र परमेश्‍वरको घरबाट सुरु हुने न्यायको काम गर्दै मानवजातिलाई शुद्ध पार्न र मुक्ति दिन चाहिने सबै सत्यताहरू व्यक्त गर्नुभएको छ। उहाँले राज्यको युग सुरु गरेर अनुग्रहको युगको अन्त्य गर्नुभएको छ। के कसैले सर्वशक्तिमान् परमेश्‍वरका वचनहरू सुन्‍न, परमेश्‍वरको आवाज सुन्‍न चाहनुहुन्छ? हामी सर्वशक्तिमान् परमेश्‍वरको वाणीका केही खण्डहरू पढौँ।

सर्वशक्तिमान्‌ परमेश्‍वर भन्‍नुहुन्छ, “म कुनै समय यहोवाको रूपमा चिनिन्थें। मलाई कुनै समय मसीह भनिन्थ्यो र मानिसहरूले प्रेम र आदरसाथ मलाई मुक्तिदाता येशू भनी पुकार्थे। यद्यपि, आज म यस उप्रान्त मानिसहरूले विगतको समयमा चिनेको यहोवा वा येशू होइन; म त आखिरी दिनहरूमा फर्केर आएको परमेश्‍वर, युगको अन्त ल्याउने परमेश्‍वर हुँ। म पृथ्वीको पल्लो छेउबाट उदय हुने, मेरो समग्र स्वभावले पूर्ण भएको, र अख्तियार, आदर र महिमाले भरिपूर्ण परमेश्‍वर स्वयम्‌ हुँ। मानिसहरू कहिल्यै पनि मसँग संलग्न भएका छैनन्, मलाई कहिल्यै चिनेका छैनन् र सदैव मेरो स्वभावप्रति अनभिज्ञ भएका छन्। संसारको सृष्टिदेखि अहिलेसम्म नै एक जनाले पनि मलाई देखेको छैन। आखिरी दिनहरूमा मानिसमा देखा पर्नुहुने र मानिसहरू माझ गुप्त परमेश्‍वर उहाँ नै हुनुहुन्छ। उहाँ मानिस माझ सत्य र वास्तविक रूपमा जलिरहेको सूर्य र प्रज्वलित ज्वालाजस्तै शक्ति र अधिकारले पूर्ण भएर बास गर्नुहुन्छ। मेरा वचनहरूद्वारा न्याय नगरिने एक जना व्यक्ति वा चीज छैन र प्रज्वलित आगोद्वारा शुद्ध नपारिने एक जना व्यक्ति वा चीज छैन। अन्तमा, मेरा वचनहरूको कारणले सबै जातिहरूलाई आशिष्‌ दिइनेछ, र मेरो वचनहरूको कारणले टुक्रा-टुक्रा पारिनेछ। यसरी, आखिरी दिनहरूको अवधिका सबै मानिसहरूले म फर्केर आएको मुक्तिदाता हुँ र म सारा मानवजातिमाथि विजय हासिल गर्ने सर्वशक्तिमान् परमेश्‍वर हुँ भनी देख्नेछन्। म कुनै समय मानिसको निम्ति पापबलि थिएँ, तर म आखिरी दिनहरूमा सबै थोकलाई भस्म गर्ने सूर्यको ज्वालाका साथसाथै सबै थोकलाई उदाङ्गो पार्ने धार्मिकताको सूर्य पनि भएको छु भनी सबैले देख्नेछन्। आखिरी दिनहरूका मेरो काम यही हो। मैले यो नाउँ धारण गरेँ र यो स्वभाव लिएँ ताकि म धर्मी परमेश्‍वर, उज्वल सूर्य, प्रज्वलित ज्वाला हुँ भन्‍ने सबै मानिसहरूले देखून्, र ताकि सबैले म, एक मात्र साँचो परमेश्‍वरको आराधना गरून्, र ताकि तिनीहरूले मेरो साँचो रूप देख्न सकून्: म इस्राएलीहरूको मात्र परमेश्‍वर होइन, र म उद्धारकर्ता मात्र होइन; म स्वर्गहरू, पृथ्वी र समुद्रभरिका सबै प्राणीहरूका परमेश्‍वर हुँ” (वचन, खण्ड १। परमेश्‍वरको देखापराइ र काम। मुक्तिदाता पहिले नै “सेतो बादल” मा फर्किसक्नुभएको छ)। “मैले सारा ब्रह्माण्डभरि मेरो काम गरिरहेको छु र पूर्वमा चट्याङहरू असीम रूपमा देखा पर्छन्, जसले सारा जाति र सम्प्रदायहरूलाई हल्लाइदिन्छन्। सारा मानिसहरूलाई वर्तमानमा ल्याउने मेरो आवाज नै हो। म सबै मानिसहरूलाई मेरो आवाजद्वारा जित्छु, यही प्रवाहमा पार्नेछु र मेरो सामु झुक्न लगाउनेछु, किनभने मैले मेरो महिमालाई उहिले नै सारा पृथ्वीबाट फिर्ता लिएको छु र यसलाई पूर्वमा नयाँ गरी जारी गरेको छु। कसले मलाई देख्ने उत्कट इच्छा गर्दैन? कसले मेरो आगमनलाई उत्सुकतापूर्वक प्रतीक्षा गर्दैन? मेरो देखापराइको तृष्णा गर्दैन? मेरो सुन्दरताको निम्ति कोचाहिँ लालायित हुँदैन? ज्योतिमा कोचाहिँ आउँदैन? कनानको सम्‍पन्‍नतालाई कसले हेर्दैन? उद्धारकको आगमनलाई कसले चाह गर्दैन? महाशक्ति भएकोलाई कसले प्रशंसा गर्दैन? मेरो आवाज पृथ्वीभरि फैलनेछ; म मेरा चुनिएका मानिसहरूलाई सामना गर्नेछु, र तिनीहरूसँग अझ धेरै वचनहरू बोल्नेछु। जसरी शक्तिशाली गर्जनहरूले पहाड़ र नदीहरू हल्लिन्छन्, त्यसरी नै म पनि मेरा वचनहरू सारा ब्रह्माण्ड र मानवजातिको निम्ति बताउँछु। यसकारण, मेरो मुखको वचन मानिसहरूको खजाना भएको छ र सबै मानिसहरूले मेरो वचनलाई मनमा लिन्छन्। मेरो ज्योति पूर्वदेखि पश्‍चिमसम्म नै चम्कन्छ। मेरा वचनहरू यस्ता छन् कि मानिस तिनलाई त्याग्न अनिच्छुक हुन्छन्, साथै ती वचन तिनीहरूलाई अथाह लाग्छ, तर तिनमा अझ धेरै आनन्दित हुन्छन्। मेरो आगमनको उत्सव मनाउँदै सबै मानिसहरू खुशी र आनन्दित हुन्‍छन्, मानौँ नाबालक भर्खरै जन्‍मेको छ। मेरो आवाजको माध्यमले म सबै मानिसहरूलाई मेरो सामु ल्याउनेछु। त्यसपछि, म मानिसहरूको जातिभित्र औपचारिक रूपमा प्रवेश गर्नेछु, यसरी तिनीहरू मेरो आराधना गर्न आउनेछन्। मैले जगमगाउने मेरो महिमा र मेरो मुखका वचनहरूसँगै, मैले यसलाई यस्तो बनाइदिनेछु कि सबै मानिसहरू मेरो सामु आउनेछन् र पूर्वबाट चम्किरहेको त्यो ज्योति देख्नेछन् र म पूर्वको जैतूनको डाँड़ामा ओर्लेको पनि देख्नेछन्। यहूदीको छोराको रूपमा होइन, तर पूर्वको ज्योतिको रूपमा म पृथ्वीमा लामो समयदेखि बसेको छु भन्‍ने तिनीहरूले देख्नेछन्। किनभने मेरो उहिले नै पुनरुत्थान भएको छ र म मानवजातिको माझबाट प्रस्थान गरेको छु, र मानिसहरू माझ मेरो महिमासँगै फेरि देखा परेको छु। कैयौँ युगहरू अघिदेखि आराधना गरिएको म नै हुँ र म पनि त कैयौँ वर्षअघि इस्राएलीहरूले त्यागिएको बालक हुँ। यसको अतिरिक्त, म हालको युगको महा-महिमित सर्वशक्तिमान परमेश्‍वर हुँ। सबै जना मेरो सिंहासन सामु आऊन् र तिनीहरूले मेरो महिमित मुहार देखून्, मेरो आवाज सुनून् र मेरा कामहरू हेरून्। मेरो समग्र इच्छा यही हो; यो नै मेरो योजनाको अन्त र उत्कर्ष हो, अनि हरेक जातिले मेरो आराधना गरोस्, हरेक जिब्रोले मलाई स्वीकार गरोस्, हरेक मानिसले आफ्नो विश्‍वासलाई ममा राखोस् र हरेक मानिस मेरो अधीनमा रहोस् भन्‍ने मेरो प्रबन्धको उद्देश्य हो!” (वचन, खण्ड १। परमेश्‍वरको देखापराइ र काम। सात मेघगर्जनको आवाज—राज्यको सुसमाचार सारा ब्रह्माण्डभरि फैलिनेछ भन्‍ने अगमवाणी)। “मैले बोल्‍नको लागि ब्रह्माण्डतर्फ मेरो मुहार फर्काउँदा, सारा मानवजातिले मेरो आवाज सुन्छन्, र ब्रह्माण्डभरि मैले गरेका सबै कामहरू देख्छन्। मेरो इच्‍छाविरुद्ध आफैलाई खडा गर्नेहरू, अर्थात् मानिसका कार्यहरूद्वारा मेरो विरोध गर्नेहरू मेरो सजायमा पर्नेछन्। म आकाशका अनगिन्ती ताराहरूलाई लिन्छु र तिनलाई नयाँ बनाउनेछु, र मैले गर्दा नै घाम र जून पनि नवीकरण हुनेछन्—आकाशहरू यसउप्रान्त पहिलेजस्तो रहनेछैनन् र संसारका यावत् थोकहरू नवीकरण हुनेछन्। मेरा वचनहरूद्वारा सबै थोक पूर्ण हुनेछन्। ब्रह्माण्डका धेरै राष्ट्रहरूको पुनर्विभाजन हुनेछ र मेरो राज्यद्वारा तिनलाई प्रतिस्थापन गरिनेछ, ताकि पृथ्वीका राष्ट्रहरू सदाको लागि हराएर जाऊन् र ती सबै मलाई आराधना गर्ने राज्य बनून्; पृथ्वीका सारा राष्ट्रहरू नष्ट हुनेछन् र ती अस्तित्वमा रहनेछैनन्। ब्रह्माण्डका मानिसहरूमध्ये, दियाबलसको स्वामित्वमा रहेकाहरू सबैलाई समाप्त पारिनेछ, र शैतानको पूजा गर्ने सबैलाई मेरो प्रज्वलित अग्‍निद्वारा सखाप पारिनेछ—अर्थात्, अहिले मूल प्रवाहभित्र रहेकाहरूबाहेक, सबैलाई खरानीमा परिणत गरिनेछ। जब म धेरै मानिसहरूलाई दण्ड दिन्छु, धार्मिक संसारमा हुनेहरू विभिन्‍न हदमा मेरा कार्यहरूद्वारा जितिनेछन् र मेरो राज्यमा फर्कनेछन्, किनभने तिनीहरूले सेतो बादलमा सवार भई आउनुहुने पवित्र एउटै उहाँको आगमनलाई देखेका हुनेछन्। सबै मानिसहरूलाई तिनीहरूका आफ्‍नै प्रकारअनुसार अलग गरिनेछ, र तिनीहरूले आफ्‍ना कार्यहरूअनुसारको सजाय पाउनेछन्। म विरुद्ध खडा भएकाहरू सबै नष्ट हुनेछन्; आफ्ना कार्यहरूमा मलाई समावेश नगर्नेहरूका हकमा, तिनीहरूले आफूलाई जे-जसरी अपराधमुक्त गरेका हुन्‍छन् सोही कारणले गर्दा तिनीहरू मेरा सन्तान र मेरा मानिसहरूको अधीनमा रही पृथ्वीमा अस्तित्वमा रहिरहनेछन्। अनि, म आफैलाई असंख्य मानिसहरू र असंख्य राष्ट्रहरूसमक्ष प्रकट गर्नेछु, र सारा मानवजातिले आफ्‍नै आँखाले देख्‍ने गरी म आफ्‍नै आवाजमा पृथ्वीतर्फ उच्‍च सोरले कराउनेछु र तिनीहरूको निम्ति मैले गरेको मेरो महान् कार्य पूरा भएको घोषणा गर्नेछु” (वचन, खण्ड १। परमेश्‍वरको देखापराइ र काम। सम्पूर्ण ब्रह्माण्डको लागि परमेश्‍वरका वचनहरू, अध्याय २६)।

सर्वशक्तिमान् परमेश्‍वरको वचनका केही खण्डहरू सुनेपछि अहिले सबैलाई कस्तो लागिरहेको छ? के यो परमेश्‍वरको आवाज हो? सर्वशक्तिमान् परमेश्‍वरको हरेक वचनमा शक्ति र अख्‍तियार छ, र यसले मानिसहरूलाई भित्रैदेखि कम्पित तुल्याउँछ। परमेश्‍वरबाहेक अरू कसले सारा मानवजातिलाई सम्बोधन गर्न सक्थ्यो र? कसले मानवजातिलाई परमेश्‍वरको इच्छा व्यक्त गरिदिन सक्थ्यो र? कसले परमेश्‍वरको आखिरी दिनहरूको कामबारे अग्रिम रूपमा उहाँको योजना र बन्दोबस्तहरू साथै मानवजातिको परिणाम र गन्तव्य खुलेआम खुलासा गर्न सक्थ्यो र? कसले परमेश्‍वरका प्रशासनिक आदेशहरू सारा ब्रह्माण्डलाई थाहा दिन सक्थ्यो र? परमेश्‍वरबाहेक, अरू कसैले पनि यी कुराहरू गर्न सक्दैनथ्यो। सारा मानवजातिलाई सर्वशक्तिमान् परमेश्‍वरले दिनुभएका वाणीहरूले हामीलाई परमेश्‍वरका वचनहरूको अख्‍तियार र शक्ति अनुभव गराउँछन्। सर्वशक्तिमान् परमेश्‍वरका वचनहरू परमेश्‍वरका आफ्‍नै वाणीहरू, र परमेश्‍वर स्‍वयम्‌का आवाज हुन्! सर्वशक्तिमान्‌ परमेश्‍वरका यी वचनहरू सुन्दा, यस्तो लाग्छ मानौँ परमेश्‍वर स्वर्गमा उभिएर सारा संसारलाई हेर्दै बोलिरहनुभएको छ। सर्वशक्तिमान्‌ परमेश्‍वरले सृष्टिका प्रभुको स्थानमा उभिएर मानवजातिलाई परमेश्‍वरको धार्मिकता, कुनै उल्लङ्घन नसहने प्रतापी स्वभाव प्रकट गर्दै मानवजातिसँग बोलिरहनुभएको छ। पहिलोपटक सुन्दा धेरैले सर्वशक्तिमान्‌ परमेश्‍वरका वचनहरूभित्र रहेका सत्यताहरू नबुझे पनि वा वास्तविक अनुभव वा बुझाइ प्राप्त नगरे पनि, परमेश्‍वरका भेडाहरू सबैले सर्वशक्तिमान्‌ परमेश्‍वरका हरेक वचन शक्ति र अख्‍तियारले भरिएको छ र यो परमेश्‍वरको आवाज हो र यो सीधै परमेश्‍वरको आत्माबाट आउँछ भन्‍ने महसुस गर्नेछन्। यसले प्रभु येशूका यी वचनहरू पूरा गर्छ, “मेरा भेडाले मेरो सोर सुन्छन्, र म तिनीहरूलाई चिन्छु र तिनीहरूले मलाई पछ्याउँछन्” (यूहन्‍ना १०:२७)।

अब हामीले परमेश्‍वरको आवाज सुनेका र परमेश्‍वरले व्यक्त गर्नुभएका सत्यताहरू देखेका छौँ, त्यसो भए परमेश्‍वर सत्यताहरू व्यक्त गर्दै कुन काम गर्न आउनुभएको हो? उहाँ आखिरी दिनहरूको न्यायको काम गर्न आउनुभएको हो, र यो कुरा प्रभु येशू आफैले बोल्‍नुभएका अगमवाणीहरूमार्फत प्रमाणित हुन्छ। “किनभने पिताले कुनै मानिसको न्याय गर्नुहुन्न, तर पुत्रलाई नै सबै न्याय सुम्पनुभएको छ” (यूहन्‍ना ५:२२)। “र न्याय गर्ने अधिकार पनि दिनुभएको छ, किनभने उहाँ मानिसको पुत्र हुनुहुन्छ” (यूहन्‍ना ५:२७)। “अनि यदि कुनै मानिसले मेरो वचन सुन्छ र पनि विश्‍वास गर्दैन भने, म त्यसको न्याय गर्दिनँ: किनभने म संसारलाई न्याय गर्न होइन, तर बचाउन आएँ। मलाई इन्कार गर्ने र मेरा वचनहरू ग्रहण नगर्नेलाई न्याय गर्ने एक जना हुनुहुन्छ: मैले बोलेको त्यो वचनले आखिरी दिनमा उसको न्याय गर्नेछ” (यूहन्‍ना १२:४७-४८)। “मैले तिमीहरूलाई भन्‍नुपर्ने कुराहरू धेरै छन्, तर अहिले तिमीहरूले ती सहन सक्‍दैनौ। तैपनि, जब उहाँ, अर्थात् सत्यका आत्मा आउनुहुन्छ, उहाँले तिमीहरूलाई सारा सत्यतामा अगुवाइ गर्नुहुनेछ … र उहाँले तिमीहरूलाई आउनेवाला कुराहरू देखाउनुहुनेछ” (यूहन्‍ना १६:१२-१३)। अनि हामीले पत्रुसको पहिलो पुस्तकको अध्याय चारको १७ औँ पदलाई पनि बिर्सन मिल्दैन: “किनभने परमेश्‍वरको घरानाबाट न्याय सुरू हुने समय आएको छ।” यी सबै अगमवाणीहरू स्पष्ट छन्। आखिरी दिनहरूको न्याय परमेश्‍वरको घरबाट सुरु हुनेछ, र यो परमेश्‍वरको आखिरी दिनहरूको न्यायको काम स्विकार्ने सबैमाझ कार्यान्वित हुनेछ। अर्थात्, देहधारी मानिसको पुत्रले मानवजातिलाई न्याय गर्न र शुद्ध पार्न धेरै सत्यताहरू व्यक्त गर्नुहुनेछ, अनि परमेश्‍वरका चुनिएका मानिसहरूलाई सबै सत्यतामा प्रवेश गर्न अगुवाइ गर्नुहुनेछ। आखिरी दिनहरूमा मुक्तिदाताले गर्नुहुने न्यायको काम यही हो, र यो परमेश्‍वरले धेरै पहिले योजना गर्नुभएको काम हो। अब सर्वशक्तिमान्‌ परमेश्‍वर, अर्थात् देहमा आउनुभएका मानिसका पुत्र निकै पहिले आइसक्‍नुभएको छ र उहाँले मानवजातिको धुवाइ र मुक्तिको लागि सबै सत्यताहरू व्यक्त गरिरहनुभएको छ र यसरी सम्पूर्ण संसार, अनि सम्पूर्ण धर्म र सम्प्रदायहरूमा हलचल ल्याउनुभएको छ। धेरैभन्दा धेरै मानिसहरूले परमेश्‍वरको आवाजप्रति ध्यान दिइरहेका छन् र साँचो मार्गको खोजी र अनुसन्धान गरिरहेका छन्। सर्वशक्तिमान्‌ परमेश्‍वरले परमेश्‍वरको ६,००० वर्षे व्यवस्थापन योजनाका सबै मुख्य रहस्यहरू प्रकट गर्नुभएको छ र उहाँले मानवजातिलाई व्यवस्थापन गर्नुका उद्देश्यहरू, मानवजातिलाई मुक्ति दिन उहाँले तीन चरणका कामहरू कसरी पूरा गर्नुहुन्छ भन्‍ने कुराहरू, देहधारणका रहस्यहरू, र बाइबलपछाडिको साँचो कथाजस्ता सत्यताका रहस्यहरू बताउनुभएको छ; त्यसबाहेक, सर्वशक्तिमान्‌ परमेश्‍वरले मानवजातिलाई कसरी शैतानले भ्रष्ट तुल्याएको छ भन्‍ने सत्यता र परमेश्‍वरलाई विरोध गर्ने हाम्रो शैतानी प्रकृतिबारे पनि खुलासा गर्नुभएको छ, र यस क्रममा हाम्रो भ्रष्ट स्वभाव त्यागेर पूर्ण रूपमा मुक्ति पाउने व्यावहारिक मार्ग औँल्याउनुभएको छ। सर्वशक्तिमान्‌ परमेश्‍वरले हरेक प्रकारको व्यक्तिको परिणाम, मानिसहरूको वास्तविक अन्तिम गन्तव्य, र परमेश्‍वरले कसरी युगको अन्त्य गर्नुहुन्छ, र ख्रीष्टको राज्य कसरी देखा पर्नेछ भन्‍ने कुराहरू पनि खुलासा गर्नुभएको छ। सत्यताका यी हरेक रहस्यहरू हाम्रो लागि खुलासा गरिएका छन्। सर्वशक्तिमान् परमेश्‍वरले करोडौँ वचनहरू बोल्‍नुभएको छ, र यी सबै वचनहरू मानवजातिलाई न्याय र शुद्धीकरण गर्ने सत्यताहरू हुन्। आखिरी दिनहरूमा परमेश्‍वरले गर्नुहुने न्यायको काम यही हो। यो मानवजातिलाई पूर्ण रूपमा शुद्ध पार्न र मुक्ति दिनका लागि वचनहरूमार्फत मात्रै गरिने एउटा चरणको काम हो।

त्यसो भए, सर्वशक्तिमान्‌ परमेश्‍वरले न्यायको काम कसरी गर्नुहुन्छ? उहाँका वचनहरूले के भन्छन् हेरौँ। सर्वशक्तिमान्‌ परमेश्‍वर भन्‍नुहुन्छ, “न्यायको काम परमेश्‍वरको आफ्नै काम भएको हुनाले, स्वाभाविक रूपमा नै यसलाई परमेश्‍वर आफैले नै कार्यान्वयन गर्नुपर्ने हुन्छ; उहाँको सट्टामा कुनै पनि मानवले यो गर्न सक्दैन। मानवजातिलाई जित्नका लागि न्यायचाहिँ सत्यताको प्रयोग भएको हुनाले, मानवका बीचका यस किसिमको काम गर्नका लागि परमेश्‍वर अझै पनि देहधारी रूपमा प्रकट हुनुहुनेछ भन्‍ने कुरामा कुनै प्रश्न छैन। त्यसो भन्नुको अर्थचाहिँ, आखिरी दिनहरूका ख्रीष्टले, सारा संसारभरिका मानिसहरूलाई सिकाउन यो सत्यता प्रयोग गर्नुहुनेछ र तिनीहरूलाई सबै सत्यताहरू प्रकट गरिदिनुहुनेछ। परमेश्‍वरको न्यायको काम यही नै हो” (वचन, खण्ड १। परमेश्‍वरको देखापराइ र काम। ख्रीष्टले सत्यताद्वारा न्यायको काम गर्नुहुन्छ)। “वर्तमान देहधारणमा परमेश्‍वरको मुख्य काम सजाय र न्यायको माध्यमद्वारा उहाँको स्वभाव व्यक्त गर्नु हो। यही जगको आधारमा, उहाँले मानिसमा अझ धेरै सत्यता ल्याउनुहुन्छ, र उसलाई अभ्यास गर्ने अझ धेरै तरिकाहरू देखाउनुहुन्छ, त्यसरी मानिसलाई जित्ने र उसको आफ्नै भ्रष्ट स्वभावबाट उसलाई मुक्त गर्ने उहाँको उद्देश्य प्राप्त गर्नुहुन्छ। राज्यको युगमा परमेश्‍वरको कामको पछि रहेको उद्देश्य यही हो” (वचन, खण्ड १। परमेश्‍वरको देखापराइ र काम। प्रस्तावना)। “आखिरी दिनहरूका ख्रीष्टले मानवलाई सिकाउन, मानवको सारलाई प्रकट गर्न, र मानवका शब्दहरू र कार्यहरूलाई जाँच गर्न विभिन्न सत्यताहरू प्रयोग गर्नुहुन्छ। यी वचनहरूमा मानवको कर्तव्य, मानवले कसरी परमेश्‍वरको आज्ञापालन गर्नैपर्छ, मानव कसरी परमेश्‍वरमा निष्ठावान् हुनैपर्छ, मानव कसरी सामान्य मानवतामा जिउनुपर्छ, र साथसाथै, परमेश्‍वरको बुद्धि र स्वभाव, र यस्तै अन्य कुराहरू जस्ता विभिन्न सत्यताहरू समावेश भएका हुन्छन्। यी सबै वचनहरू मानवका सार र उसका भ्रष्ट स्वभावप्रति निर्देशित हुन्छन्। खास गरी, मानवले कसरी परमेश्‍वरलाई घृणाका साथ इन्कार गर्छ भनी प्रकट गर्ने वचनहरूलाई मानव कसरी शैतानको मूर्तरूप हो, र परमेश्‍वरका विरुद्धको शत्रुवत् दबाब हो भन्‍ने विषयमा बोलिएको हुन्छ। उहाँको न्यायको कामको अवधिमा, परमेश्‍वरले मानिसको प्रकृतिलाई एक-दुई वटा शब्‍दहरूले व्याख्या गर्नुहुन्‍न; उहाँले खुलासा, निराकरण र लामो समयसम्म काट-छाँट गर्नुहुन्छ। प्रकट गर्ने, निराकरण गर्ने, र काट-छाँट गर्ने यी सबै फरक-फरक तरिकाहरूलाई सामान्य वचनले प्रतिस्थापन गर्न सक्दैन, तर मानिससँग नभएको सत्यताले प्रतिस्थापन गर्छ। यी जस्ता तरिकाहरूलाई मात्र न्याय भन्न सकिन्छ; यस किसिमको न्यायद्वारा मात्र मानव नियन्त्रणमा रहन सक्छ र परमेश्‍वरको बारेमा पूर्ण रूपमा विश्‍वस्त हुन्छ, र यसका साथसाथै परमेश्‍वरको साँचो ज्ञान प्राप्त गर्न सक्छ। न्यायको कामले ल्याउने कुरा भनेको मानवले परमेश्‍वरको साँचो मुहारलाई बुझ्नु र उसको आफ्नै विद्रोहीपनको सत्यतालाई जान्नु हो। परमेश्‍वरको न्यायले मानवलाई परमेश्‍वरको इच्छा, र परमेश्‍वरको कामको उद्देश्य, उसले बुझ्नै नसक्ने रहस्यहरूको धेरै बुझाइ प्राप्त गराउँछ। यसले मानवलाई आफ्नो भ्रष्ट सार, उसका भ्रष्टताका जडहरू पहिचान गर्न र जान्न, र साथसाथै मानवका कुरूपतालाई पत्ता लगाउनका लागि स्थान दिन्छ। यी सबै असरहरू न्यायको कामद्वारा ल्याइएका हुन्छन्, किनकि यस कामको सारचाहिँ वास्तवमा परमेश्‍वरमा विश्‍वास राख्नेहरू सबैका लागि परमेश्‍वरको सत्यता, बाटो, र जीवनलाई खोल्नु हो। यो काम परमेश्‍वरले गर्नुभएको न्यायको काम हो” (वचन, खण्ड १। परमेश्‍वरको देखापराइ र काम। ख्रीष्टले सत्यताद्वारा न्यायको काम गर्नुहुन्छ)। परमेश्‍वरका वचनहरू पढेपछि परमेश्‍वरको आखिरी दिनहरूको न्यायको काम मुख्यतः सत्यता व्यक्त गर्नु र उक्त सत्यता प्रयोग गरी मानवजातिलाई न्याय गर्नु, शुद्ध पार्नु, र मुक्ति दिनु हो भन्‍ने कुरा स्पष्ट हुनुपर्छ। अर्थात्, आखिरी दिनहरूमा, परमेश्‍वरले सत्यता व्यक्त गर्दै र न्यायको काम गर्दै मानवजातिको भ्रष्टता पखाल्नुहुन्छ। उहाँले मानिसहरूको एउटा समूहलाई मुक्ति दिँदै सिद्ध पार्नुहुन्छ, अनि परमेश्‍वरसँग एउटै हृदय र मनका मानिसहरूको समूह बनाउनुहुन्छ: परमेश्‍वरको ६,००० वर्षे व्यवस्थापन योजनाको फल नै यही हो। आखिरी दिनहरूको न्यायको काम यसैमा केन्द्रित हुन्छ! यसैले मुक्तिदाता सर्वशक्तिमान्‌ परमेश्‍वरले उहाँ आउनुभएपछि सत्यता व्यक्त गर्दै आउनुभएको छ र मानिसहरूमा भएको हरेक प्रकारको भ्रष्ट स्वभावको खुलासा र न्याय गरिरहनुभएको छ। हामीलाई काटछाँट र निराकरण गरेर, जाँचेर अनि शोधन गरेर पनि उहाँले हाम्रो भ्रष्ट स्वभाव धोइरहनुभएको र रूपान्तरित गरिरहनुभएको छ; यसले मानिसको पापीपनको जड समाधान गर्छ, अनि हामीलाई पूर्ण रूपमा पाप त्याग्‍न, शैतानको प्रभावबाट मुक्त हुन, र परमेश्‍वरमा समर्पित भएर उहाँको आराधना गर्न मदत गर्छ। यस बिन्दुमा कतिपय मानिसहरू अलिक अन्योलमा पर्न सक्छन् र सोच्न सक्छन्, प्रभु येशूले मानवजातिलाई पहिले नै छुटकारा दिइसक्‍नुभयो, अनि किन फेरि मुक्तिदाताले आखिरी दिनहरूमा मानवजातिलाई न्याय गर्न सत्यता व्यक्त गर्नुपर्‍यो? किनभने प्रभु येशूले छुटकाराको काम मात्रै गर्नुभयो, अर्थात्, प्रभुमाथिको विश्‍वासले पापक्षमा ल्याउने वा विश्‍वासद्वारा धर्मी ठहराउने कार्य मात्रै गर्छ, जसले मानिसहरूलाई प्रार्थनामा परमेश्‍वरको अघि आउन, परमेश्‍वरसँग सङ्गति गर्न, र उहाँका अनुग्रह र आशिष्‌हरू प्राप्त गर्न योग्य तुल्याउँछ। तर पापबलिको रूपमा प्रभु येशूले खेल्‍नुभएको भूमिकाले मानवजातिको पापक्षमा मात्रै प्रदान गर्‍यो; यसले मानिसको पापीपनको मूल समस्या समाधान गर्न सकेन। त्यसकारण अनुग्रहको युगमा जिउने सबैले यो स्विकारिरहन्थे कि मानवजातिको पाप क्षमा भए पनि, हामी सधैँ पाप गरिरहन्छौँ। हामीले आफूलाई रोक्‍न सक्दैनौँ, र हामीले पाप त्याग्‍ने जति धेरै चाहना गरे पनि, त्यसो गर्न सक्दैनौँ। हामी दिउँसो पाप गरेर राती स्वीकार गर्दै जीवन जिइरहेका हुन्छौँ। त्यसैले प्रभु येशूको पुनरागमन भएपछि उहाँले सत्यता व्यक्त गर्नुहुनेछ र आखिरी दिनहरूको न्यायको काम गर्नुहुनेछ, र यसरी मानिसलाई उसको भ्रष्ट स्वभावबाट पूर्ण रूपमा पखाल्नुहुनेछ र उसको पापीपनको जड समाधान गर्नुहुनेछ। यसरी मानिसहरूले पुरै र सम्पूर्ण रूपमा मुक्ति प्राप्त गर्नेछन्। यदि मानिसहरूले आखिरी दिनहरूको न्यायको काम अनुभव नगरी प्रभु येशूको छुटकारा मात्रै अनुभव गर्छन् भने, तिनीहरूले आफ्‍ना कार्यहरू पापी छन् भनेर पहिचान गर्नेबाहेक केही गर्न सक्दैनन्; तिनीहरूले मानिसहरूको पापीपनको मूल कारण देख्‍न सक्दैनन्। अर्थात्, तिनीहरूले मानिसको शैतानी प्रकृति र शैतानी स्वभाव बुझ्‍न सक्दैनन्, तिनलाई समाधान गर्नु त परको कुरा हो। भ्रष्ट स्वभाव, अर्थात्, मानिसहरूको पापीपनको मूल कारण समाधान गर्ने एउटै उपाय परमेश्‍वरको न्यायको काम अनुभव गर्नु हो। सर्वशक्तिमान्‌ परमेश्‍वर भन्‍नुहुन्छ, “मानिसलाई छुटकारा दिनुभन्दा अघि, शैतानका धेरै वटा विषयहरू ऊभित्रै रोपिएको हुन्छ, र हजारौँ वर्षसम्म शैतानद्वारा भ्रष्ट पारिएपछि, ऊभित्र एउटा स्थापित प्रकृति हुन्छ जसले परमेश्‍वरको विरोध गर्छ। यसकारण जब मानिसलाई छुटकारा दिइएको हुन्छ, त्यो ठूलो मूल्य तिरेर मानिसलाई छुटाइएको घटनाभन्दा अरू केही हुँदैन, तर ऊभित्रको विषाक्त प्रकृति हटेको हुँदैन। अशुद्ध भएको मानिस परमेश्‍वरको सेवाको योग्य हुनुभन्दा अघि परिवर्तनको प्रक्रियाबाट भएर जानुपर्छ। न्याय र सजायको यस कार्यको माध्यमबाट, मानिसले आफैभित्र भएको फोहोर र भ्रष्ट सारलाई पूर्ण रूपमा चिन्‍नेछ, र ऊ पूर्ण रूपमा परिवर्तन हुन र शुद्ध हुन सक्षम हुनेछ। यसरी मात्र मानिस परमेश्‍वरको सिंहासनको अघि फर्केर आउनको योग्य हुन सक्छ। यस दिनमा गरिएका सबै काम मानिस शुद्ध र परिवर्तन हुन सकोस् भनेर हो; वचनको न्याय र सजाय, साथै शोधनको माध्यमबाट, मानिसले आफ्नो भ्रष्टतालाई हटाउन र शुद्ध हुन सक्छ। कामको यस चरणलाई मुक्तिका निम्ति हो भनी ठान्नुको साटो यो शुद्धीकरणको काम हो भन्नु धेरै उचित हुन्छ। वास्तवमा, यो चरण विजयको चरण हो साथ साथै यो मुक्तिको कामको दोस्रो चरण पनि हो। यो वचनको न्याय र सजायको माध्यमबाट नै मानिस परमेश्‍वरद्वारा प्राप्त गरिने स्थितिमा आउँछ, र वचन प्रयोग गर्दा नै मानिसको हृदयभित्रका सबै अशुद्धता, धारणा, अभिप्राय र व्यक्तिगत आकांक्षाहरूलाई शुद्ध गर्न, न्याय गर्न र पूर्ण रूपमा प्रकट गरिन्छ। किनकि मानिसलाई छुटकारा दिइएको र उसका पापहरू क्षमा गरिएको हुन सक्छ, तर त्यसलाई परमेश्‍वरले मानिसका अपराधहरू सम्‍झनुहुन्‍न र मानिससँग उसको अपराधअनुसार व्यवहार गर्नुहुन्‍न भनेर मात्र मान्न सकिन्छ। तापनि, जब मासुको शरीरमा जिउने मानिस पापबाट छुटाइएको हुँदैन, उसले पापै मात्र गरिरहन सक्छ, यसरी अटुट रूपमा आफ्नो भ्रष्ट शैतानिक स्वभाव प्रकट गर्छ। यो मानिसले जिउने जीवन हो, जहाँ पाप गर्ने र क्षमा गरिने चक्र निरन्तर चलिरहन्छ। अधिकांश मानवजातिले दिनमा पाप गर्छन् र साँझमा मात्र त्यो स्वीकार गर्छन्। यसरी, पापको बलि मानिसका लागि सदासर्वदा प्रभावकारी भए पनि त्यसले मानिसलाई पापबाट बचाउन सक्दैन। मुक्तिको काम आधा मात्र सम्पन्न भएको छ, किनकि मानिसमा अझै पनि भ्रष्ट स्वभाव छ। … आफ्ना पापहरू थाहा पाउनु मानिसको निम्ति सजिलो छैन, उसले गहिरो जरा गाडेको आफ्‍नो प्रकृतिलाई चिन्ने कुनै उपाय छैन, र यो नतिजा प्राप्त गर्न ऊ वचनद्वारा गरिने न्यायमा भर पर्नुपर्छ। तब मात्र मानिस बिस्तारै यस बिन्दुबाट परिवर्तन हुन सक्छ” (वचन, खण्ड १। परमेश्‍वरको देखापराइ र काम। देहधारणको रहस्य (४))। “येशूले मानिसको माझमा धेरै काम गर्नुभए पनि, उहाँले सारा मानवजातिको छुटकारा मात्र पूरा गर्नुभयो र मानिसको पापको बलि बन्नुभयो; उहाँले मानिसलाई उसका सबै भ्रष्ट स्वभावबाट मुक्त गर्नुभएन। मानिसलाई पूर्ण रूपमा शैतानको प्रभावबाट मुक्त गर्नको निम्ति येशूले पापको बलि बनेर मानिसका पापहरू बोक्न मात्र आवश्यक थिएन, तर मानिसलाई शैतानी रूपमा भ्रष्ट पारेको उसको स्वभावबाट पूर्ण रूपमा छुटकारा दिन परमेश्‍वरले अझ ठूलो काम गर्नु आवश्यक थियो। यसैले अब, मानिसका पापहरू क्षमा गरिएका छन्, मानिसलाई नयाँ युगतिर डोऱ्याउन परमेश्‍वर देहमा फर्केर आउनुभएको छ, र सजाय अनि न्यायको काम सुरु गर्नुभएको छ। यो कामले मानिसलाई झन् उच्च क्षेत्रमा ल्याएको छ। उहाँको प्रभुत्वमा आउनेहरू सबैले अझ उच्च सत्यता प्राप्त गर्नेछन् र अझ ठूला आशिष्‌हरू प्राप्त गर्नेछन्। तिनीहरू साँच्चिकै ज्योतिमा जिउनेछन्, र तिनीहरूले सत्यता, बाटो र जीवन प्राप्त गर्नेछन्” (वचन, खण्ड १। परमेश्‍वरको देखापराइ र काम। प्रस्तावना)। परमेश्‍वर स्‍वयम्‌ले देहको रूप लिएर न्यायको काम गर्न आउनुभएको छ, धेरै सत्यताहरू व्यक्त गर्नुभएको छ, र उहाँले दीर्घकालीन तवरमा मानिसहरूको खुलासा र न्याय गरिरहनुभएको छ। मानिसहरूले आफ्‍नो भ्रष्टताको सत्यता स्पष्ट रूपमा देख्‍ने र आफ्‍नो प्रकृति र सार पहिचान गर्ने एउटै मात्र उपाय यही हो। यो न्यायमार्फत, मानिसहरूले परमेश्‍वरको धार्मिकता र पवित्रता पनि देख्‍नेछन्, र यसरी परमेश्‍वरप्रति श्रद्धाभाव विकास गर्नेछन्। हामीले आफ्‍नो भ्रष्ट स्वभाव पूर्ण रूपमा त्याग्‍ने र साँचो मानव स्वरूपमा जिउने एउटै मात्र उपाय यही हो। के भन्‍न सकिन्छ भने यो कुरा हासिल गर्ने एउटै मात्र उपाय भनेको देहधारी परमेश्‍वरले न्यायको काम गर्न सत्यताहरू व्यक्त गर्नु हो। त्यसैले सर्वशक्तिमान्‌ परमेश्‍वरले वचनहरू बोल्‍नु र सत्यता प्रयोग गरी न्यायको काम गर्नु अत्यन्तै महत्त्वपूर्ण, अत्यावश्यक र अर्थपूर्ण कुरा हो!

कुनै विश्‍वासीले मुक्ति र असल गन्तव्य पाउन सक्छ कि सक्दैन भन्‍ने कुराको कडी उसले परमेश्‍वरको देखापराइ र कामको स्वागत गर्न सक्छ कि सक्दैन भन्‍ने कुरा हो। त्यसकारण, मुख्य कुरा व्यक्तिले परमेश्‍वरको आवाज सुन्‍न सक्छ कि सक्दैन भन्‍ने हो। सर्वशक्तिमान्‌ परमेश्‍वर आखिरी दिनहरूमा देखा पर्नुभयो, र उहाँले ३० वर्षदेखि काम गरिरहनुभएको छ, तर अझै पनि यस्ता धेरै मानिसहरू छन् जसले उहाँको आवाज सुन्‍ने प्रयास गरेकै छैन। कतिपय मानिसहरूले आफ्‍नो जीवनभरि प्रभुमा विश्‍वास गरेका हुन्छन्, तर आफ्नो जीवनको गोधूलिमा पुग्दा पनि तिनीहरूले अझै परमेश्‍वरको आवाज सुनेका वा प्रभुलाई स्वागत गरेका हुँदैनन्। यसको मतलब, तिनीहरूलाई परमेश्‍वरले पन्छाइसक्‍नुभएको छ र तिनीहरूका सबै प्रयासहरू व्यर्थ भएका छन्। त्यसैले परमेश्‍वरको आवाज सुन्‍न सक्‍नु नै व्यक्तिले पूर्ण मुक्ति र असल गन्तव्य पाउन सक्छ कि सक्दैन भनेर निर्धारित गर्ने कडी हो। धेरै मानिसहरूले सर्वशक्तिमान्‌ परमेश्‍वरका वचनहरू पढ्छन् र ती सत्यता हुन् भनी स्विकार्छन्, तर सर्वशक्तिमान्‌ परमेश्‍वर नै फर्कनुभएका प्रभु हुनुहुन्छ भनेर स्वीकार गर्न सक्दैनन्। यो साँच्‍चै लाजमर्दो कुरा हो, र यो मानिसको मूर्खता र अन्धोपनबाट आउँछ। प्रभुलाई नचिन्‍नेहरू अवश्य नै विपत्तिहरूमा पर्नेछन्, र तिनीहरूले दाह्रा किट्दै रुनुपर्नेछ।

अन्त्यमा, अब हामी सर्वशक्तिमान्‌ परमेश्‍वरका वचनहरूको एउटा खण्ड पढौँ। सर्वशक्तिमान्‌ परमेश्‍वर भन्‍नुहुन्छ, “राज्यको युगमा, परमेश्‍वरले नयाँ युगको प्रारम्भ गर्न, आफूले गर्ने कामका साधनहरू परिवर्तन गर्न, र सम्पूर्ण युगको काम गर्न वचनहरू प्रयोग गर्नुहुन्छ। वचनको युगमा परमेश्‍वरले यही सिद्धान्तद्वारा काम गर्नुहुन्छ। फरक-फरक दृष्टिकोणहरूबाट बोल्न उहाँ देह बन्‍नुभयो, ता कि मानिसले देहमा वचनको रूपमा प्रकट हुनुभएको परमेश्‍वरलाई साँच्चिकै हेर्न सकून्, र उहाँको बुद्धि र आश्‍चर्यजनकता देख्न सकून्। यस्ता काम मानिसलाई जित्‍ने, मानिसलाई सिद्ध पार्ने, र मानिसलाई हटाउने लक्ष्यहरू अझै राम्ररी प्राप्त गर्नलाई गरिन्छ, जुन वचनको युगमा काम गर्न गरिने वचनको प्रयोगको सही अर्थ हो। यी वचनहरूद्वारा मानिसहरूले परमेश्‍वरको काम, परमेश्‍वरको स्वभाव, मानिसको सार, र मानिस जेमा प्रवेश गर्नु पर्ने हो त्यो थाहा पाउँछन्। वचनहरूद्वारा परमेश्‍वरले वचनको युगमा गर्ने चाहना गर्नुभएको कामलाई यसको पूर्णतामा साकार बनाइन्छ। यी वचनहरूद्वारा, मानिसहरूलाई पर्दाफास गरिन्छ, हटाइन्छ, र जाँचिन्छ। मानिसहरूले परमेश्‍वरका वचनहरू देखेका छन्, यी वचनहरू सुनेका छन्, र यी वचनहरूको अस्तित्व चिनेका छन्। परिणामस्वरूप, उनीहरूले परमेश्‍वरको अस्तित्वमा, परमेश्‍वरको सर्वव्यापकता र बुद्धिमा, साथै मानिसको लागि परमेश्‍वरको प्रेममा र मानिसलाई मुक्ति दिने उहाँको इच्‍छामा विश्‍वास गर्न थालेका छन्। ‘वचनहरू’ भन्‍ने शब्द सरल र सामान्य हुन सक्ला, तर देहधारी परमेश्‍वरका मुखबाट बोलिएका वचनहरूले ब्रह्माण्ड हल्लाउँछन्, तिनीहरूले मानिसहरूका हृदय बदलिदिन्छन्, उनीहरूका धारणाहरू र पुराना स्वभावहरू बदलिदिन्छन्, र सम्पूर्ण संसार प्रकट हुने तरिकालाई बदलिदिन्छन्। युगौँ-युगदेखि, आजका परमेश्‍वरले मात्र यस प्रकारले काम गर्नुभएको छ, र केवल उहाँ मात्रै यसप्रकारले बोल्नुहुन्छ र यसप्रकार मानिसलाई मुक्ति दिन आउनुहुन्छ। यो समयबाट अगाडि मानिस परमेश्‍वरका वचनहरूद्वारा निर्देशित र पोषित भएर उहाँका वचनहरूको मार्गदर्शनको अधीनमा जिउँछ। मानिसहरू परमेश्‍वरका वचनहरूको संसारमा, परमेश्‍वरका वचनहरूको श्रापहरू र आशीर्वादहरूको माझ जिउँछन्, र अझ धेरै मानिसहरू त उहाँका वचनहरूका न्याय र सजाय अन्तर्गत जिउन थालेका छन्। यी वचनहरू र यो काम पूर्ण रूपमा मानिसको छुटकाराको लागि, परमेश्‍वरको इच्छालाई पूरा गर्नको लागि, र पुरानो सृष्टिको संसारको मूल स्वरूप परिवर्तन गर्नको लागि हुन्। वचनहरू प्रयोग गरेर परमेश्‍वरले संसारको सृष्टि गर्नुभयो, वचनहरू प्रयोग गरेर नै उहाँले मानिसहरूलाई ब्रह्माण्डभरि अगुवाई गर्नुहुन्छ, र वचनहरू प्रयोग गरेर नै उहाँले उनीहरूलाई जित्‍नुहुन्छ र मुक्ति दिनुहुन्छ। अन्ततः, उहाँले पुरानो सम्पूर्ण संसारलाई अन्त्य गर्न वचनहरू प्रयोग गर्नुहुनेछ र उहाँको व्यवस्थापन योजनाको सम्पूर्णतालाई पूरा गर्नुहुनेछ” (वचन, खण्ड १। परमेश्‍वरको देखापराइ र काम। राज्यको युग नै वचनको युग हो)।