अधिकांश मानिसहरूको परमेश्‍वरमाथिको विश्‍वासको सारतत्त्व धार्मिक दृढ विश्‍वास नै हो: तिनीहरू परमेश्‍वरलाई प्रेम गर्न असक्षम हुन्छन्‌ र परमेश्‍वरलाई केवल यान्त्रिक मानवले झैँ अनुसरण गर्न सक्छन्‌, परमेश्‍वरको लागि साँच्चै तृष्णा गर्न वा उहाँलाई श्रद्धा गर्न असमर्थ हुन्छन्‌। तिनीहरूले उहाँलाई केवल चुपचाप पछ्याउँछन्‌। धेरै मानिसहरूले परमेश्‍वरमा विश्‍वास गर्छन्‌, तर परमेश्‍वरलाई प्रेम गर्नेहरू थोरै मात्र छन्‌; तिनीहरू विपत्तिसँग डराउने भएका हुनाले मात्र तिनीहरूले परमेश्‍वरलाई “श्रद्धा” गर्छन्‌, अन्यथा उहाँ उच्च र शक्तिशाली हुनुभएको हुनाले तिनीहरूले परमेश्‍वरलाई “सराहना” गर्छन्‌—तर तिनीहरूको श्रद्धा र सराहनामा, प्रेम वा साँचो तृष्णा हुँदैन। आफ्ना अनुभवहरूमा तिनीहरूले सत्यताका सानातिना विवरणहरू, वा अन्यथा, केही महत्त्वहीन रहस्यहरू खोज्छन्‌। अधिकांश मानिसहरूले केवल आशिषको लागि फाइदा लुट्न पछि लाग्छन्; तिनीहरूले सत्यतालाई खोज्दैनन्, न त तिनीहरूले परमेश्‍वरको आशिष पाउनको लागि साँचो रूपमा परमेश्‍वरको आज्ञा नै पालन गर्छन्‌। सबै मानिसहरूको परमेश्‍वरमाथिको विश्‍वासको जीवन अर्थहीन छ, यो मूल्य विहीन छ, र यसमा तिनीहरूका व्यक्तिगत विचारहरू र खोजीहरू छन्‌; तिनीहरूले परमेश्‍वरलाई प्रेम गर्नको लागि विश्‍वास गर्दैनन्‌, तर आशिषित हुनको खातिर मात्र गर्छन्‌। धेरै मानिसहरू आफूलाई खुसी लागे अनुसार काम गर्छन्‌; तिनीहरू आफू जे चाहन्छन्‌ त्यही गर्छन्‌ र कहिल्यै परमेश्‍वरको रुचिहरूको बारेमा, वा तिनीहरूले जे गर्छन्‌ त्यो परमेश्‍वरको इच्छाअनुसार छ कि छैन भन्ने बारेमा विचार गर्दैनन्‌। यस्ता मानिसहरूले साँचो विश्‍वास समेत प्राप्त गर्न सक्दैनन्‌, परमेश्‍वरप्रतिको प्रेम त परै जाओस्‌। परमेश्‍वरको सारतत्त्व मानिसले विश्‍वास गर्नको लागि मात्र होइन; अझ अधिक, यो त मानिसले प्रेम गर्नको लागि हो। तर परमेश्‍वरमाथि विश्‍वास गर्ने धेरैजसो यो “गोप्य कुरा” पत्ता लगाउन असक्षम छन्‌। मानिसहरूले परमेश्‍वरलाई प्रेम गर्ने आँट गर्दैनन्‌, न त तिनीहरूले उहाँलाई प्रेम गर्ने प्रयत्न नै गर्छन्‌। परमेश्‍वरको बारेमा प्रेम गर्न योग्य कुराहरू यति धेरै छन्‌ भन्ने कुरा तिनीहरूले कहिल्यै पत्ता लगाएका छैनन्‌; परमेश्‍वर त मानिसहरूलाई प्रेम गर्नुहुने परमेश्‍वर हुनुहुन्छ, र उहाँ त्यो परमेश्‍वर हुनुहुन्छ जसलाई मानिसले प्रेम गर्छ भन्ने कुरा तिनीहरूले कहिल्यै पत्ता लगाएका छैनन्‌। परमेश्‍वरको प्रेमिलोपन उहाँको काममा व्यक्त गरिएको छ: मानिसहरूले उहाँको कामलाई अनुभव गर्दा मात्र तिनीहरूले उहाँको प्रेमिलोपन पत्ता लगाउन सक्छन्‌; तिनीहरूको वास्तविक अनुभवहरूमा मात्र तिनीहरूले परमेश्‍वरको प्रेमिलोपनलाई सराहना गर्न सक्छन्‌; र यसलाई वास्तविक जीवनमा अवलोकन नगरी, कसैले पनि परमेश्‍वरको प्रेमिलोपनलाई पत्ता लगाउन सक्दैन। परमेश्‍वरको बारेमा प्रेम गर्ने कुरा धेरै छन्, तर उहाँसँग वास्तविक रूपमा तल्लीन नभई मानिसहरू यसलाई पत्ता लगाउन असक्षम हुन्छन्‌। भन्नुको अर्थ, यदि परमेश्‍वर देह नबन्नुभएको भए, मानिसहरू उहाँसँग वास्तविक रूपमा तल्लीन हुन असक्षम हुनेथिए, र यदि तिनीहरू उहाँसँग वास्तविक रूपमा तल्लीन हुन असमर्थ भएका भए, तिनीहरू उहाँको काम अनुभव गर्न पनि समर्थ हुनेथिएनन्‌—र यसरी परमेश्‍वरप्रतिको तिनीहरूको प्रेममा अधिक असत्यता र मनगढन्तको धब्बा लाग्ने थियो। स्वर्गमा भएको परमेश्‍वरप्रतिको प्रेम पृथ्वीमा भएको परमेश्‍वरप्रतिको प्रेम जस्तै वास्तविक छैन, किनभने स्वर्गमा हुनुहुने परमेश्‍वरको बारेमा मानिसहरूको ज्ञान तिनीहरूको आफ्नै आँखाले देखेका र तिनीहरूले व्यक्तिगत रूपमा अनुभव गरेका कुराहरूमाथि भन्दा पनि तिनीहरूको कल्पनाहरूमाथि निर्माण भएको छ। जब परमेश्‍वर पृथ्वीमा आउनुहुन्छ, मानिसहरूले उहाँको वास्तविक कामहरू र उहाँको प्रेमिलोपन देख्न समर्थ हुन्छन्‌, र तिनीहरूले उहाँको व्यावहारिक र सामान्य स्वभाव देख्न सक्छन्‌, यी सबै नै स्वर्गमा हुनुहुने परमेश्‍वर सम्बन्धी ज्ञानभन्दा हजारौं गुना बढी वास्तविक हुन्छन्‌। मानिसहरूले स्वर्गमा हुनुहुने परमेश्‍वरलाई जतिसुकै प्रेम गरे तापनि यो प्रेम खासै वास्तविक छैन, र यो मानवीय विचारहरूले भरिएको छ। पृथ्वीमा परमेश्‍वरको निम्ति तिनीहरूको प्रेम जतिसुकै थोरै भएतापनि यो प्रेम वास्तविक हुन्छ; यो थोरै मात्र भए तापनि फेरि पनि यो वास्तविक हुन्छ। परमेश्‍वरले मानिसहरूलाई वास्तविक काममार्फत उहाँलाई चिन्न लगाउनुहुन्छ, र यही ज्ञानमार्फत उहाँले तिनीहरूको प्रेम प्राप्त गर्नुहुन्छ। यो पत्रुसको जस्तै हो: यदि उनी येशूसँग नजिएका भए, उसले येशूलाई श्रद्धा गर्न असम्भव हुनेथियो। यसै गरी, येशूप्रतिको उसको निष्ठा पनि येशूसँग उसको तल्लीनतामा आधारित थियो। मानिसले परमेश्‍वरलाई प्रेम गर्न लगाउनको लागि उहाँ मानिसको बीचमा आउनुभएको छ र मानिससँग सँगै जिउनुहुन्छ, र उहाँले मानिसलाई देख्न र अनुभव गर्न लगाउन खोज्नुभएको एउटै कुरा भनेको परमेश्‍वरको वास्तविकता हो।

—वचन, खण्ड १। परमेश्‍वरको देखापराइ र काम। परमेश्‍वरलाई प्रेम गर्नेहरू सदाको लागि उहाँको ज्योतिभित्र जिउनेछन्‌

परमेश्‍वरको प्रेमिलो स्वभाव पत्ता लगाउन उहाँको काम अनुभव गर

पद १

परमेश्‍वरको सार मानिसले विश्‍वास गरोस् भनी मात्र नभई प्रेम गरोस् भनी हो। तर उहाँमा विश्‍वास गर्ने धेरैलाई, यो अझै अज्ञात छ। उहाँको प्रेमिलो स्वभाव काममा व्यक्त गरिन्छ। र मानिसले व्यक्तिगत अनुभवबाट देख्दा मात्र यो पत्ता लगाउन सक्छन्। उहाँको प्रेमिलो स्वभाव अनुभवमा महसुस हुन्छ। वास्तविकतामा नदेखी यो भेटाउन सकिँदैन।

पूर्व कोरस

मानिस उहाँलाई प्रेम गर्ने आँट गर्दैनन्, न प्रयास नै गर्छन्। उहाँ प्रेमिलो हुनुहुन्छ, मानिसलाई प्रेम गर्नुहुन्छ, प्रेम गर्नुपर्ने परमेश्‍वर हुनुहुन्छ, भनी पत्ता लगाएका छैनन्।

कोरस

उहाँबारे प्रेम गर्ने धेरै कुरा छन्। संलग्नता बिना, त्यो देखिँदैन। पृथ्वीमा आउनुहुँदा, मानिसले उहाँका वास्तविक कार्य, स्वभाव र प्रेमिलोपन देख्छन्। यी सब स्वर्गका परमेश्‍वरबारे ज्ञानभन्दा बढी वास्तविक छन्। उहाँ प्रेमिलो हुनुहुन्छ। उहाँ प्रेमिलो हुनुहुन्छ।

पद २

मानिसले स्वर्गका परमेश्‍वरलाई जति प्रेम गरे पनि अवास्तविक हुन्छ। पृथ्वीका परमेश्‍वरलाई थोरै प्रेम गरे पनि, वास्तविक नै हुन्छ। वास्तविक कामद्वारा, आफूलाई चिन्ने तुल्याउनुहुन्छ। यो ज्ञानद्वारा, प्रेम पाउनुहुन्छ। उहाँलाई प्रेम गर्ने तुल्याउन, मानिसबीच आई वास्तविकता अनुभव गराउनुहुन्छ। पत्रुस येशूसँग नजिएका भए, येशूलाई प्रेम गर्न सक्ने थिएनन्। त्यसकारण येशूप्रतिको उनको निष्ठा पनि संलग्नतामा निर्मित थियो।

पूर्व कोरस

मानिस उहाँलाई प्रेम गर्ने आँट गर्दैनन्, न प्रयास नै गर्छन्। उहाँ प्रेमिलो हुनुहुन्छ, मानिसलाई प्रेम गर्नुहुन्छ, प्रेम गर्नुपर्ने परमेश्‍वर हुनुहुन्छ, भनी पत्ता लगाएका छैनन्।

कोरस

उहाँबारे प्रेम गर्ने धेरै कुरा छन्। संलग्नता बिना, त्यो देखिँदैन। पृथ्वीमा आउनुहुँदा, मानिसले उहाँका वास्तविक कार्य, स्वभाव र प्रेमिलोपन देख्छन्। यी सब स्वर्गका परमेश्‍वरबारे ज्ञानभन्दा बढी वास्तविक छन्। उहाँ प्रेमिलो हुनुहुन्छ। उहाँ प्रेमिलो हुनुहुन्छ।

अन्त्य

देहधारी नहुनुभएको भए, उहाँको काम जान्ने थिएन। त्यसैले उहाँप्रति प्रेम कल्पना, झुटले कलंकित हुने थियो। स्वर्गका भन्दा पृथ्वीका परमेश्‍वरप्रतिको प्रेम वास्तविक छ, कारण स्वर्गका परमेश्‍वरबारे ज्ञान काल्पनिक छ, भौतिक रूपमा देखेको वा मानिसको अनुभवमा आधारित छैन।

—वचन, खण्ड १। परमेश्‍वरको देखापराइ र काम। “परमेश्‍वरलाई प्रेम गर्नेहरू सदाको लागि उहाँको ज्योतिभित्र जिउनेछन्‌” बाट परिमार्जित