सन् २०२० को सेप्टेम्बरमा, सिसिपिले सर्वशक्तिमान्‌ परमेश्‍वरको मण्डलीलाई उन्मूलन गर्न तीन वर्षे “समग्र युद्ध” सुरु गर्‍यो। शान्दोङ प्रान्त ती प्रान्तहरूमध्ये एक थियो जहाँ इसाईहरूको गिरफ्तारी र सतावट विशेष गरी गम्भीर थियो। “समग्र युद्ध” लागू भएपछि, स्थानीय अधिकारीहरूले समन्वित गिरफ्तारीका धेरै चरण सुरु गरे। डिसेम्बर २६ को आसपास, शान्दोङ प्रान्तको जिनान सहरमा, सर्वशक्तिमान्‌ परमेश्‍वरको मण्डलीका १०० भन्दा बढी इसाईहरूलाई समन्वित छापा मारेर पक्राउ गरियो। त्यसपछि उनीहरूलाई सहरको लागुऔषध पुनःस्थापना केन्द्रमा हिरासतमा राखियो, जहाँ ७० भन्दा बढी प्रहरी अधिकारीहरू र विशेष मगजधुलाइ कर्मचारीहरूले उनीहरू सबैलाई हिरासतमा राखे, यातना दिएर सोधपुछ गरे, र हिंसात्मक मगजधुलाइ गरे। उनीहरूलाई बलजफ्ती वैचारिक परिवर्तनको सिकार बनाइयो, जसको उद्देश्य उनीहरूलाई आफ्नो आस्था त्याग्न बाध्य पार्नु थियो। केही इसाईलाई आफ्नो आस्थामा अडिग रहेको कारण जेल सजाय सुनाइयो। अहिले, पाँच वर्षभन्दा बढी समय बितिसकेको छ, र यी सबै इसाई जेलबाट रिहा भइसकेका छन्। यस रिपोर्टमा, हामीले छन हुईसँग अन्तर्वार्ता लियौँ, जो आफ्नो सजाय पूरा गरेर केही समयअघि मात्र जेलबाट रिहा भएकी थिइन्। उनको वृत्तान्त मार्फत, हामीले वर्षौंअघि बलजफ्ती धर्म परिवर्तन गराउने प्रयासहरूमार्फत गरिएको सतावटबारे थाहा पायौँ।

00:20 मुख्य अंशहरू

02:10 अन्तर्वार्ता दिने इसाईको परिचय

02:40 पाँच वर्षअघिको उनको गिरफ्तारी, सोधपुछ र थुनालाई सम्झँदा

07:54 हिंसात्मक मगजधुलाइ र बलजफ्ती धर्म परिवर्तन

11:26 प्रहरीले क्रूरतापूर्वक इसाईहरूलाई आफ्नो आस्था त्याग्न र “तीन बयानको पत्र” मा हस्ताक्षर गर्न बाध्य पार्दै

34:01 इसाईहरू दृढतापूर्वक खडा हुनका लागि सर्वशक्तिमान्‌ परमेश्‍वरका वचनहरूमा भर पर्दै

37:03 आफ्नो आस्थामा अडिग रहेको कारण सिसिपिद्वारा साढे चार वर्षको जेल सजाय

40:14 निर्ममतापूर्वक यातना दिइएको, जेलबाट रिहा गरिएको, र अझै पनि सिसिपिको निगरानीमा रहेको

41:14 अन्तिम टिप्पणीहरू