मार्क्सवादी-लेनिनवादी विचारधारामा स्थापित भएको सिसिपिले आफ्ना जनतालाई भ्रमित पार्न आक्रामक रूपमा नास्तिकतालाई बढावा दिन्छ जसको उद्देश्य सधैँका लागि सत्तामा रहनु र उनीहरूलाई नियन्त्रणमा राख्नु हो। यसले सधैँ धार्मिक समूह र असहमति राख्नेहरूलाई आफ्नो सबैभन्दा ठूलो राजनीतिक शत्रु मानेको छ। सिसिपिले “हिंस्रक क्रान्ति” र “सशस्त्र सङ्घर्षद्वारा सत्ता कब्जा गर्ने” मार्क्सवादी मार्गलाई अगाडि बढाउन आफ्नो सम्पूर्ण शक्ति लगाएको छ। यसरी, यसले सत्ता कब्जा गर्‍यो र त्यसबेलादेखि झूट, छल र हिंस्रक क्रान्तिमार्फत शासन गर्दै आएको छ। सत्तरी वर्षभन्दा बढी समयदेखि, सिसिपिले कहिल्यै पछि नहटी, धार्मिक समूह र असहमति राख्नेहरू जस्ता मानिसहरूलाई निरन्तर र क्रूरतापूर्वक दमन गर्ने, पक्राउ गर्ने, र सताउने काम गरेको छ, र कहिल्यै त्यो काम रोकेको छैन। सिसिपिको धार्मिक विश्वासमाथिको क्रूर दमनका कारण, उसको सतावटका विधिहरू झन्-झन् रक्तरञ्जित र हिंसात्मक हुँदै गएका छन्। इसाईहरूलाई उनीहरूको बाँच्ने अधिकारबाट पूर्ण रूपमा वञ्चित गरिएको छ। सिसिपिको पञ्जाबाट उम्कन र आफ्नो आस्थामा दृढ रहन, इसाईहरूसँग विदेश भाग्नुबाहेक अर्को कुनै विकल्प छैन। यसपछि, सिसिपिले आफ्नो कालो हात विश्वव्यापी रूपमा फैलाएको छ, र इसाईहरूलाई चीन फर्काउन बाध्य पार्ने प्रयासमा सीमापार दमनका अभियानहरूको एक शृङ्खला सञ्चालन गरेको छ, जसको अन्तिम लक्ष्य उनीहरूलाई आफ्नो नियन्त्रणमा ल्याउनु हो ताकि यसले निर्धक्कसँग आफ्नो सतावट जारी राख्न सकोस्। इसाईहरूमाथि सिसिपिको दमन र सतावट पूर्ण रूपमा अनियन्त्रित छ र यो कुनै पनि मूल्यमा गरिन्छ। उसका अपराधहरू भयानक छन्, र तिनले आकाशलाई नै छुन्छन्।

00:21 चिनियाँ कम्युनिस्ट पार्टीका सत्तरी वर्षभन्दा बढीका अत्याचारहरू: इसाईहरूको रगत र आँसुको इतिहास

03:37 ८. सीमापार दमन: पूर्ण रूपमा नामेट पार्न कुनै पनि हदसम्म जानु

04:43 (१) “अनलाइन अनुसन्धान, वैदेशिक अनुसन्धान,” र “एक व्यक्ति, एक योजना” नामक दमनकारी पहलहरू लागू गर्नु

10:59 (२) विश्वभरि उच्च-दबाबयुक्त सिसिपि शासन विस्तार गर्न “विदेशी प्रहरी सेवा स्टेशनहरू” स्थापना गर्नु

14:29 (३) सीमापार दमन सञ्चालन गर्न अन्तर्राष्ट्रिय प्रतिनिधिहरूको संवर्धन गर्नु

22:01 (४) विदेशबाट चीनसम्म इसाईहरूको अथक रूपमा सिकार गर्नु, उनीहरूलाई बाँच्ने अधिकारबाट वञ्चित गर्नु

29:21 ९. आस्थालाई “शून्यमा झार्नका लागि” गरिने व्यवस्थित तथा बलजफ्ती वैचारिक रूपान्तरण र हिंसात्मक मगजधुलाइ

31:18 (१) देश र पार्टीलाई प्रेम गर्न लाल शिक्षामार्फत वैचारिक रूपान्तरण; पार्टी संस्कृतिमार्फत मगज धुलाई

40:32 (२) इसाईहरूलाई तीन वा पाँच बयानको पत्रमा हस्ताक्षर गर्न बाध्य पारिन्छ; अस्वीकार गर्नेहरूलाई हिंसात्मक रूपमा यातना दिइन्छ र क्रूर व्यवहार गरिन्छ