सन् २०२३ सर्वशक्तिमान्‌ परमेश्‍वरको मण्डलीविरुद्ध सिसिपिको “तीन-वर्षे समग्र युद्ध” को अन्तिम वर्ष थियो। सर्वशक्तिमान्‌ परमेश्‍वरको मण्डलीलाई पूर्ण रूपमा नष्ट र प्रतिबन्धित गर्ने, चीनलाई नास्तिक क्षेत्र बनाउने, र सधैँभरि सत्तामा रहिरहने आफ्नो दुष्ट उद्देश्य हासिल गर्ने प्रयासमा, सिसिपिले इसाईहरूलाई अझ बढी उन्मत्त रूपमा सतायो। देशभरि गिरफ्तारी अभियानहरू अझ तीव्र हुँदै गए, जसअन्तर्गत लगभग हरेक महिना र हरेक दिन गिरफ्तारीहरू गरिए। तिनीहरूले उमेरमा सत्तरी र असीको दशकका वृद्ध इसाईहरू समेत कसैलाई छोडेनन्। अगस्ट २५ देखि २६ सम्मको दुई दिनमै, हेनान प्रान्तको नान्याङ सहरका चारवटा काउन्टीमा कम्तीमा १७० जना इसाईलाई पक्राउ गरियो। तीमध्ये एक जना असी कटेकी वृद्धा थिइन् भने दश जना सत्तरी कटेका थिए। हालै, हामीले यी इसाईहरूमध्येकी एक, सु लान सँग अन्तर्वार्ता लियौँ। उनी पक्राउ पर्दा ७८ वर्षकी थिइन्। मण्डलीबारे जानकारी दिन बाध्य पार्न, सिसिपि प्रहरीले सु लानलाई पूरै तीन दिनसम्म यातना दियो। तिनीहरूले क्रूरतापूर्वक उनको टाउको र अनुहारमा हिर्काए, उनलाई तोरीको पानी पिउन बाध्य पारे, र विद्युतीय लट्ठीले करेन्ट लगाए। तिनीहरूले वृद्धा सु लानलाई अश्लील भिडियोहरू हेर्न समेत बाध्य पारे र छाडा शब्दहरू प्रयोग गर्दै उनीमाथि यौन दुर्व्यवहार गरे। प्रहरीको क्रूर हिंसाले उनको शरीर र आत्मा दुवैमा कहिल्यै नमेटिने घाउका खतहरू छोडेको छ। हामी यस भागमा सु लानको सतावटको पीडादायी अनुभव नजिकबाट हेर्नेछौँ।

00:17 मुख्य अंशहरू

02:35 लगभग ८० वर्षकी सु लानलाई भेलापछि पक्राउ गरियो र उनको गालामा थप्पड हानियो

05:00 सु लानलाई ५-६ घण्टासम्म सोधपुछ गरियो, कुटियो, करेन्ट लगाइयो र तोरीको पानी पिउन बाध्य पारियो

17:36 प्रहरीहरूले सु लानलाई निरन्तर यातना दिन्छन्, अश्लील भिडियो हेर्न बाध्य पार्छन् र घिनलाग्दा शब्दहरू प्रयोग गर्दै उनीमाथि यौन दुर्व्यवहार गर्छन्

28:28 सु लानको परिवारलाई धम्की दिइन्छ—“परमेश्‍वरमा विश्‍वास गर्नेहरूलाई कुटेर मारिए पनि त्यसको कुनै दुष्परिणाम हुँदैन, त्यसैले प्रहरीकहाँ नआउनू”

30:22 प्रहरीको क्रूरताले सु लानलाई थुप्रै दीर्घकालीन रोग दिन्छ

33:13 रिहा भएपछि पनि, प्रहरीले सु लानलाई छोड्दैनन्, उनलाई उनकै घरमा दुःख दिन्छन्

34:48 त्यही समयमा अन्य वृद्ध इसाईहरूलाई सजाय सुनाइन्छ—एक जनामाथि यौन दुर्व्यवहार भयो भने एक जनालाई यातना दिएर मारियो