285 परमेश्वरबिना दिनहरू दुःखकष्टले भरिन्छन्
१
व्यक्तिले नियति बोध नगर्दा, उसले परमेश्वरको सार्वभौमिकतालाई नबुझ्दा, र ऊ कुहिरोभित्र लर्खराउँदै र ढलपलिँदै दृढताका साथ छामछुम गर्दै अघि बढ्दा, त्यो यात्रा अत्यन्तै कठिन, र अत्यन्तै हृदयविदारक हुन्छ। त्यसकारण, जब मानिसहरूले मानव नियतिमाथिको परमेश्वरको सार्वभौमिकतालाई पहिचान गर्छन्, तब चलाखहरूले यसलाई जान्ने र स्वीकार गर्ने, आफूले आफ्नै दुई हातद्वारा सुन्दर जीवन निर्माण गर्ने प्रयास गर्दाका पीडादायी दिनहरूलाई बिदा गर्ने, र नियतिको विरुद्धमा संघर्ष गर्न र आफ्ना तथाकथित “जीवन लक्ष्यहरू” आफ्नै तरिकाले खोज्न छाड्ने निर्णय गर्छन्।
२
जब कुनै व्यक्तिसँग परमेश्वर हुनुहुन्न, जब उसले उहाँलाई देख्न सक्दैन, जब उसले परमेश्वरको सार्वभौमिकतालाई स्पष्ट रूपमा पहिचान गर्न सक्दैन, तब हरेक दिन अर्थहीन, निरर्थक, दुःखदायी हुन्छ। व्यक्ति जहाँ भए पनि, उसको जागिर जे भए पनि, उसको जीवनशैली र लक्ष्य खोजीले अटुट चोट र चैनरहित कष्टबाहेक केही दिँदैनन्, यतिसम्म कि उसले विगतलाई फर्केर हेर्नसमेत सक्दैन। व्यक्तिले सृष्टिकर्ताको सार्वभौमिकतालाई स्विकारेपछि मात्रै, उहाँका योजनाबद्ध कार्य र बन्दोबस्तमा समर्पित भएपछि, र उसले साँचो मानव जीवन पछ्याएपछि मात्रै, बिस्तारै ऊ हृदयको सबै चोट र कष्टबाट र जीवनको रिक्तताबाट मुक्त हुन थाल्छ।
—वचन, खण्ड २। परमेश्वरलाई चिन्ने विषयमा। परमेश्वर स्वयम् अद्वितीय ३
